Camila Cabello បង្ហាញក្ដីអំណរក្រោយសម្ដែងយប់ដំបូងជាមួយ Taylor Swift

2018-05-10 02:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះម្ចាស់បទ "Never Be the Same” Camila Cabello និងតារាចម្រៀង Charlie XCX បានជួយ Taylor Swift ដើម្បីសម្ដែងតន្ត្រីទេសចរណ៍ "Reputation Tour” ជាអ្នកបើកកម្មវិធី ដោយទទួលបានការជោគជ័យយ៉ាងខ្លាំង។

នៅក្នុងការប្រគំតន្ដ្រីនោះ អ្នកគាំទ្របានចូលរួមទស្សនាគឺមានដល់ទៅ ៥៩,១៥៧នាក់ឯណោះ ដែលConcert នេះមានទីតាំងនៅពហុកីឡាដ្ឋានរបស់សកលវិទ្យាល័យ Phoenix រដ្ឋ Arizona ដោយតារាចម្រៀងទាំងពីរ Camila និង Charli បានឡើងលើឆាកច្រៀងរួមជាមួយ Taylor ចំពោះបទ "Shake It Off”។

បន្ទាប់ពីការសម្ដែងបានបញ្ចប់ Camila បានបង្ហោះរូបថតនិងវីដេអូទៅកាន់ទំព័រ Instagram របស់នាងដែលមានអ្នក Follow ដល់ទៅ ១៩,៥នាក់។

ក្នុងនោះតារាចម្រៀងវ័យ ២១ឆ្នាំបានសរសេរថា៖ "អ្វីដែលស្ថិតក្នុងដួងចិត្តខ្ញុំនៅពេលនេះ៖ ខ្ញុំចងចាំថាថ្ងៃមួយ ពេលខ្ញុំមកពីសាលា (ប្រហែលជាថ្នាក់ទី៩) មិត្តរបស់ខ្ញុំ Mariana ទើបតែបានទៅមើល Taylor នៅក្នុងការប្រគំតន្ត្រី Speak Now Tour ហើយក៏បានចាប់ដៃ Taylor។ ពេលនោះខ្ញុំគិតថាមិនដឹងជាមានថ្ងៃណាខ្ញុំមានលទ្ធភាពចូលរួមកម្មវិធី Concert របស់ Taylor នោះទេ។ ដូច្នេះហើយទើបខ្ញុំមានអារម្មណ៍សប្បាយរីករាយនិងអំណរគុណជាខ្លាំង ដែលអាចចូលរួមសម្ដែងជាមួយនាងនៅពេលនេះ។"

តារាចម្រៀងទាំង៣រូប នឹងបន្តប្រគំតន្ត្រីជាមួយគ្នារហូតដល់ខែវិច្ឆិកា៕