ខ្លាឃ្មុំទឹកកក និងផេនឃ្វីន រងគំរាមកំហែងជិតផុតពូជ ដោយសារកត្តាធម្មជាតិ ១

2018-05-10 03:18:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវិទ្យាសាស្ត្រជាច្រើនព្យាករណ៍ថា ខ្លាឃ្មុំទឹកកក និងផេនឃ្វីន កំពុងរងការគំរាមកំហែងជិតផុតពូជទូទាំងពិភពលោក។

តំបន់ការពារសមុទ្រ (MPAs) ជាច្រើននៅតំបន់អាកទិច និងអង់តាកទិចដែលជាជម្រកសត្វខ្លាឃ្មុំទឹកកក និងផេនឃ្វីនកំពុងរងការគំរាមកំហែងដោយការឡើងកម្ដៅផែនដី។ នេះជាមូលហេតុបណ្ដាលឲ្យអ្នកវិទ្យាសាស្ត្របង្ហាញការព្រួយបារម្ភយ៉ាងខ្លាំង ដោយការសិក្សាបង្ហាញថានៅឆ្នាំ ២១០០ សីតុណ្ហភាពនៅតំបន់ការពារសមុទ្រជាច្រើននឹងកើន ២,៨ អង្សាក្ដៅជាងសីតុណ្ហភាពសព្វថ្ងៃ។

យោងតាមសាស្ត្រាចារ្យ John Bruno មកពីសកលវិទ្យាល័យ North Carolina ឲ្យដឹងថា "ជាមួយនឹងការកើនឡើងសីតុណ្ហភាពដូចនេះ យើងនឹងត្រូវបាត់បង់ប្រភេទសត្វជាច្រើនពីតំបន់ការពារសមុទ្រនាចុងសតវត្សនេះ។ ដូច្នេះហើយ ដើម្បីការពារផលអាក្រក់នេះ យើងត្រូវកាត់បន្ថយការបំភាយឧស្ម័នពូលក្នុងបរិយាកាសឲ្យបានឆាប់រហ័សបំផុត ហើយជាពិសេសត្រូវជំនួសការប្រើឥន្ធនៈហ្វូស៊ីល ដោយងាកមកប្រើប្រភពថាមពលមិនប៉ះពាល់បរិស្ថានដូចជា ផ្ទាំងសូឡា និងខ្យល់ជាដើម។”

គួរឲ្យដឹងថា ប្រសិនបើមិនមានវិធានការទប់ស្កាត់ការឡើងកម្ដៅផែនដីទាន់ពេលវេលាទេ សត្វជាច្រើនដូចជា ខ្លាឃ្មុំទឹកកក, ផេនឃ្វីន, ត្រីសមុទ្រ, ថនិកសត្វ និងបក្សី ជាច្រើនប្រភេទទៀតមិនមានកន្លែងដែលអាចរស់នៅបាន ហើយជាហេតុធ្វើឲ្យមានការផុតពូជនៅថ្ងៃអនាគត៕

ចុចអាន ៖

ប្រភព៖ Dailymail ប្រែសម្រួល ៖ រ័ត្ន