ឆ្នាំនេះ Oppo F7 នៅខ្មែរ អាចលក់ដាច់ខ្លាំងមិនធ្លាប់មាន ដូចប្រទេសផ្សេងៗក្បែរខាង

2018-05-10 10:33:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Oppo ទើបតែប្រកាសលើផេកហ្វេសប៊ុកកាលពីថ្ងៃពុធ ម្សិលមិញនេះថា ថានឹងនាំយកទូរសព្ទ Oppo F7 128 GB (6GB RAM) មកទីផ្សារស្រុកខ្មែរ ឆាប់នេះៗ ក្នុងតម្លៃ ៤២៩ ដុល្លារ។

ការប្រកាសនេះ ធ្វើឡើងបន្ទាប់ពី Smartphone ស៊េរីថ្មីក្បាលឆក Oppo F7 64GB ត្រូវក្រុមហ៊ុនដាក់លក់ផ្លូវការនៅទីផ្សារកម្ពុជា កាលពីថ្ងៃទី២៨ មេសា មក ខណៈដែលការលក់ថ្ងៃដំបូងនោះ ត្រូវក្រុមហ៊ុន Oppo ប្រចាំនៅកម្ពុជា អះអាងថា លក់ដាច់លើសការរំពឹងទុក មិនធ្លាប់មានពីមុននៅទីផ្សារកម្ពុជា។

ក្រុមហ៊ុនក៏បានឲ្យដឹងដែរថា មានមនុស្សដល់ទៅរាប់រយរាប់ពាននាក់ សម្រុកមកទទួលយក F7 ដែលបានកុម្ម៉ង់ទុក និងមកទិញក្ដៅៗតាមហាងទូរសព្ទនានាទូទាំងភ្នំពេញ និងតាមខេត្ត នៅថ្ងៃលក់ដំបូង រហូតដល់ហាងខ្លះដាច់ស្ដុកទៀតផង។ យ៉ាងណាក៏ដោយ ក្រុមហ៊ុនបានបង្ហើបត្រឹមថា សន្ទុះលក់ F7 កើនឡើងខ្លាំងលើសសន្ទុះលក់ស៊េរីមុន F5 ប៉ុណ្ណោះ តែមិនបានបញ្ជាក់លម្អិតពីតួលេខឡើយ។

បញ្ជាក់ថា ការលក់ F7 ថ្ងៃដំបូង កើនឡើងយ៉ាងគំហុកនៅឆ្នាំនេះ នៅតាមបណ្ដាប្រទេសជិតខាងកម្ពុជា ក្នុងនោះ មាន ហ្វីលីពីន វៀតណាម ថៃ ឥណ្ឌូណេស៊ី មីយ៉ាន់ម៉ា។

នៅកម្ពុជា F7 64GB (4GB RAM) មានតម្លៃ ៣២៩ ដុល្លារ ដោយមានជម្រើស ៣ ពណ៌ គឺ ក្រហម (Solar Red) ប្រាក់ (Moonlight Silver) និងពេជ្រខ្មៅ (Diamond Black)។

សូមមើលលក្ខណៈសម្បត្តិរបស់ F7៖

អេក្រង់ Super Full Screen (Notch Screen)៖ អេក្រង់ប្រភេទ IPS LCD ទំហំ ៦,២៣ អ៊ីញ លាត ៨២,៥% នៃផ្ទៃខាងមុខ ជាអេក្រង់ទ្រវែងមានវិមាត្រ 19:9 Ratio មានកម្រិតបង្ហាញ Full HD+ (2280 x 1080) និងដង់ស៊ីតេអេក្រង់ 405 ppi។
កាមេរ៉ាមុខទំហំ 25MP ធំជាងគេបង្អស់នាពេលបច្ចុប្បន្ន និងមានបំពាក់បច្ចេកវិទ្យា AI Beauty 2.0 ដែលពិភពលោកទទួលស្គាល់ថា ជាបច្ចេកវិទ្យាថតរូប Selife កាន់តែស្អាតបំផុតថែមមួយកម្រិតថែមទៀត។ វាអាចចាប់យកចំណុចសម្គាល់សំខាន់ៗ (focus point) លើផ្ទៃមុខរហូតដល់ទៅ ២៩៦ ចំណុច និងអាចសម្គាល់ភេទ អាយុ សម្បុរស្បែកទៀតផង។
Sensor៖ HDR 576 របស់ Sony ដែលអាចធ្វើការបានយ៉ាងល្អក្នុងការថតរូបស្រស់ស្អាត ទោះស្ថិតក្នុងស្ថានភាពរូបភាពនៅឆ្ងាយ ឬកុងពន្លឺក៏ដោយ។
កម្លាំងថ្ម 3400mAh៖ ទំហំថ្មមធ្យម ហើយមានមុខងារ AI Battery Management ដែលអាចសំចៃថ្ម មិនថាពេលប្រើប្រាស់ ឬទុកចោល។
គ្រឿងក្នុង៖ ប្រើ Chip Helio P60, RAM 4GBឬ 6GB ទំហំម៉ាស៊ីន 64GB ឬ 128GB ហើយអាចបន្ថែម microSD បានដល់ 256GB និងដំណើរដោយប្រព័ន្ធប្រតិបត្តិការ ColorOS 5.0 ដូច Android 8.1៕

ដោយ៖ សុផាត