អុញនោះ! Shawn Mendes និយាយថា Hailey Baldwin ជាមិត្តល្អរបស់ខ្លួន

2018-05-11 04:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមមើលទៅ Shawn Mendes និង Hailey Baldwin ដូចជាមិនមានទំនាក់ទំនងស្នេហាជាមួយគ្នាទេ។ ម៉េចក៏អីចឹង?

តារាទាំងពីរដួងបានបណ្ដើរគ្នាទាំងត្រសងចូលរួមកម្មវិធី Met Gala ប៉ុន្មានថ្ងៃមុននេះ ដោយធ្វើឲ្យអ្នកគាំទ្រជាច្រើនគិតថានេះគឺជាការប្រកាសផ្លូវការដែលពួកគេ គឺជាសង្សារនឹងគ្នា។ ស្រាប់តែថ្មីៗនេះ Shawn ប្រកាសថាពួកគេគឺគ្រាន់តែជាមិត្តល្អនឹងគ្នាតែប៉ុណ្ណោះ។

ក្នុងកិច្ចសម្ភាសមួយជាមួយទស្សនាវដ្ដី W Magazine ដែលបានចុះផ្សាយកាលពីថ្ងៃអង្គារសប្ដាហ៍នេះ Shawn បានលើកឡើងពីបញ្ហានេះថា "ពួកយើងគឺជាមិត្តល្អនឹងគ្នា"។

វាគឺជារឿងមួយដែលនឹកស្មានមិនដល់ ព្រោះ Shawn និង Hailey ពិតជាស្និទ្ធស្នាលនឹងគ្នាខ្លាំង កាលពីយប់ថ្ងៃច័ន្ទ ដោយបានកៀកកើយនិងកាន់ដៃគ្នាយ៉ាងស្អិតល្មួត។

Shawn បានបញ្ជាក់ថាខ្លួនពិតជាសប្បាយចិត្តពេលបានចំណាយពេលជាមួយ Hailey ក៏ដូចជាទទួលបានបទពិសោធន៍ថ្មីព្រោះនាងពិតជាពូកែខាងបង្ហាញខ្លួននៅក្នុងកម្មវិធីធំៗបែបនេះ។

ចំពោះពេលនេះ អ្នកដែលទទួលបានបេះដូង Shawn គឺត្រូវលាក់កំបាំងនៅឡើយទេ ប៉ុន្តែលោកក៏បានខិតខំបង្ហាញពាក្យពេចន៍ស្នេហាខ្លួនទៅកាន់មនុស្សម្នាក់លាក់កំបាំងនៅក្នុងអាល់ប៊ុមថ្មីរបស់ខ្លួន៕