Nokia X6 ស្រោបដោយកញ្ចក់យ៉ាងអេម ដឹងតម្លៃធានាចង់បានភ្លែត
- 2018-05-17 02:08:22
- ចំនួនមតិ 0 | ចំនួនចែករំលែក 0
Nokia X6 ស្រោបដោយកញ្ចក់យ៉ាងអេម ដឹងតម្លៃធានាចង់បានភ្លែត
ចន្លោះមិនឃើញ
Nokia X6 ជាស្មាតហ្វូនដំបូងគេរបស់ HMD Global មានប្រើរចនាបថក្បាលឆក ដែលជារចនាបថដ៏ពេញនិយមមួយ ដោយទើបប្រកាសចេញផ្លូវការកាលពីយប់មិញ។
ប្រសិនបើអ្នកតាមដានព័ត៌មានបែកធ្លាយពី Nokia X6 ពីមុនមក អ្នកនឹងបានដឹងច្បាស់ពីលក្ខណៈសម្បត្តិរបស់វា ដោយសារដូចគ្នានឹងលក្ខណៈផ្លូវការដែរ។ តួខ្លួនរបស់ Nokia X6 មានស្រោបដោយសារធាតុកញ្ចក់ប្រមាណ ៩៥% ដោយស៊ុមជុំវិញផលិតពីអាលុយមីញ៉ូម។
Nokia X6 ជាទូរសព្ទធន់មធ្យម ហេតុនេះមានប្រើត្រឹមបន្ទះឈីប Qualcomm Snapdragon 636, RAM ទំហំ ៤ GB និងមានអង្គផ្ទុកទិន្នន័យ ៣២ GB អាចបង្កើនទំហំបានតាមមេមូរីកាត។ បន្ថែមពីនេះក៏មានជម្រើស RAM ទំហំ ៤ GB + អង្គផ្ទុកទិន្នន័យ ៦៤ GB និង RAM ៦ GB + ៦៤ GB។
អេក្រង់មានទំហំ ៥,៨ អ៊ីញ អាចបង្ហាញរូបភាពនៅកម្រិត FHD+ (២២៨០ x ១០៨០ ភីកសែល) និងមានមាត្រដ្ឋាន 19:9។ ផ្នែកខាងក្រោយមានបំពាក់កាមេរ៉ាភ្លោះ ១៦ MP + ៥ MP ដែលមិនមែនផលិតដោយ Zeiss នោះទេ ហើយកាមេរ៉ាមុខមានកម្រិត ១៦ MP។
ថាមពលថ្មមានទំហំ ៣០៦០ mAh មានទ្រនាប់ស្កេនម្រាមដៃនៅផ្នែកខាងក្រោយ និង ដំណើរការដោយប្រព័ន្ធប្រតិបត្តិការ Android 8.1 Oreo។
Nokia X6 មានតម្លៃចាប់ពី ២០៥ ដុល្លារ ដែលនឹងមានដាក់លក់ផ្ដាច់មុខតែនៅក្នុងប្រទេសចិនសម្រាប់ពេលបច្ចុប្បន្ននេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
