ព័ត៌មានថ្មីៗបន្ថែមទាក់ទងនឹង G-Dragon ជុំវិញការវះកាត់កជើង

2018-05-18 01:54:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងនៃការវះកាត់របស់ G-Dragon ពិតជាបានធ្វើឲ្យមានការភ្ញាក់ផ្អើលដល់អ្នកគាំទ្រជាច្រើន ហើយម្នាក់ៗពិតជាមានការព្រួយបារម្ភចំពោះស្ថានភាពបច្ចុប្បន្នរបស់លោកណាស់។

កាលពីថ្ងៃទី ១៧ ខែឧសភា មានសេចក្ដីរាយការណ៍មកថា មេក្រុមរបស់ BIGBANG កំពុងទទួលការព្យាបាលនិងវះកាត់កជើង ហើយបង្កឲ្យអ្នកគាំទ្រជាច្រើនសម្ដែងក្ដីបារម្ភបំផុត។ ដោយជ្រាបពីកង្វល់របស់អ្នកស្រឡាញ់ចូលចិត្តតារាប្រុសរូបនេះបែបនេះហើយ ទើបខាងតំណាងរបស់ផលិតកម្ម YG ថ្លែងប្រាប់បណ្ដាញផ្សព្វផ្សាយពីស្ថានភាពបច្ចុប្បន្នរបស់ GD។

ខាងផលិតកម្មបាននិយាយថា៖ "G-Dragon គ្រោងនឹងត្រឡប់ចូលបម្រើទាហានវិញនៅសប្ដាហ៍ក្រោយ ពោលគឺ ២ ទៅ ៣ថ្ងៃក្រោយវះកាត់”។

ផ្អែកតាមប្រភពខាងក្នុងនេះដដែលបានបញ្ជាក់ថា មេក្រុម BIGBANG ពិតជាបានទទួលការព្យាបាលនៅមន្ទីរពេទ្យនៅបន្ទាយ ប៉ុន្តែការព្យាបាលនោះហាក់ដូចជាមិនសូវសព្វជ្រុងជ្រោយ ហេតុនេះទើបលោមត្រូវបញ្ជូនទៅមន្ទីរពេទ្យធំតែម្ដង។

ចំណែកវិបសាយព័ត៌មានចិន ក៏បានបង្ហាញរូបភាពរបស់ G-Dragon រុំជើងដែរ។ ប្រការនេះហើយទើប អ្នកគាំទ្រនាំគ្នាសង្ស័យថា តារាប្រុសរូបនេះរងរបួសអំឡុងពេលហ្វឹកហាត់ ស្របពេលព័ត៌មានផ្សាយថា របួសនោះនៅជាប់នឹងលោកតាំងពីមុនចូលធ្វើទាហានម្ល៉េះ។

ទោះជាយ៉ាងណាគ្រប់នាំគ្នាជូនពរ តារាសំណព្វចិត្តរូបនេះជាហូរហែ ឲ្យឆាប់ជា និងវិលមកសភាពធម្មតាវិញ៕

ប្រភព៖ kstarlive ប្រែសម្រួល៖ យី សុធារី