PSG ផ្ដល់ថ្លៃនឿយហត់ទៅ Buffon គុណនឹង២ ឲ្យតែព្រមទៅទីក្រុងប៉ារីស
- 2018-05-19 07:01:56
- ចំនួនមតិ 0 | ចំនួនចែករំលែក 0
PSG ផ្ដល់ថ្លៃនឿយហត់ទៅ Buffon គុណនឹង២ ឲ្យតែព្រមទៅទីក្រុងប៉ារីស
ចន្លោះមិនឃើញ
Paris Saint-Germain បានដាក់សំណើប្រាក់បៀវត្សរ៍ទៅកាន់ Gianluigi Buffon ដើម្បីឲ្យរូបគេផ្ទេរមកកាន់ទឹកដីទីក្រុងប៉ារីស ពេលដែលចាកចេញពី Juventus។
Buffon នឹងពាក់អាវ Juventus ចុងក្រោយនៅថ្ងៃសៅរ៍នេះ ពេលលេងជាមួយ Hellas Verona ក្រោយចំណាយពេល១៧ឆ្នាំនៅទីទីក្រុង Turin។ PSG បានបោះមួយជំហាន ក្នុងការនាំឲ្យកីឡាករវ័យ៤០នេះមកកាន់ Ligue 1 ដោយផ្ដល់ថ្លៃនឿយហត់៨លានអឺរ៉ូក្នុងមួយឆ្នាំ។ តម្លៃនេះច្រើនជាងថ្លៃឈ្នួលរបស់ Buffon គុននឹង២នៅ Juvenus។
មូលហេតុដែល PSG ចង់បាន Buffon ព្រោះពួកគេគិតថា បន្ថែមអ្នកចាំទីជើងចាស់ក្នុងក្រុមនឹងអាចពង្រឹងឱកាសជោគជ័យរបស់ពួកគេក្នុងពាននៅអឺរ៉ុប។ Champions League នឹងជាគោលដៅធំចម្បងសម្រាប់ក្រុមលោក Thomas Tuchel ដែលទើបមកកាន់ PSG។ ខណៈរដូវកាលនេះពួកគេធ្លាក់ត្រឹមវគ្គ១៦ក្រុមចុងក្រោយ ដោយសារ Real Madrid៕