ទាំងនេះជាអ្វី គួរដឹងជុំវិញពិធីរាជាភិសេករបស់ព្រះអង្គម្ចាស់ Harry និង Meghan

2018-05-19 08:14:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃសំខាន់ក្នុងជីវិតដែលបានទន្ទឹងរង់ចាំអស់រយៈពេលជាយូរពេលនេះបានមកដល់ហើយ ហើយក៏ចាត់ទុកជាថ្ងៃប្រវត្តិសាស្ត្រថ្មីរបស់ចក្រភពអង់គ្លេសដែរ។

ថ្ងៃទី ១៩ ខែឧសភានេះ គឺជាថ្ងៃរាជាភិសេករបស់ព្រះអង្គម្ចាស់ចក្រភពអង់គ្លេស Harry និងតារាសម្ដែងដ៏មានប្រជាប្រិយភាព Meghan។ គ្រប់យ៉ាងនៃពិសេសដ៏មានន័យក្នុងជីវិតនេះនឹងត្រូវរៀបចំយ៉ាងឥតខ្ចោះ ដោយមានការយាង និងអញ្ជើញចូលរួមពីសំណាក់សែរាជវង្ស ព្រមទាំងសាច់ញាតិមិត្តភ័ក្ដិរបស់ Meghan ជាច្រើនផងដែរ។

បើរម្លឹកទៅដើមកំណើតស្នេហារបស់គូស្នេហ៍ទាំង ២កើតឡើងតាមរយៈការណែនាំពីមិត្តភក្តិទាំងសងខាង។ ដំបូងឡើយ Meghan ប្រាប់ថានាងស្គាល់កូនចៅរាជវង្សរូបនេះ តែមិនសូវជាច្បាស់ប៉ុន្មានទេ ស្របពេលព្រះអង្គម្ចាស់ Harry មិនទាំងដែលឃើញនាងលើទូរទស្សន៍ទាល់តែសោះ។ ទោះជាយ៉ាងណា ស្នេហាក៏បានកើតមានក្នុងអារម្មណ៍របស់អ្នកទាំង ២រៀងៗខ្លួន រហូតយល់ចិត្តថ្លើមគ្នាក្នុងរយៈពេលខ្លីបំផុត និងឈានមកដល់ថ្ងៃរៀបការតែម្ដង។

ស្របពេលថ្ងៃនេះ ព្រះអង្គម្ចាស់ Harry នឹងកាន់ដៃ Meghan ប្រារព្ធពិធីរាជាភិសេក Sabay សូមនាំប្រិយមិត្តមកដឹងពីអ្វីដែលបានត្រៀមសម្រាប់ពិធីរាជវង្សមួយនេះដូចតទៅ៖

១. ការអញ្ជើញចូលរួម

ពិធីនេះនឹងត្រូវប្រារព្ធឡើងក្នុងប្រាសាទ Windsor នៅថ្ងៃទី ១៩ ខែឧសភានេះ។ ភ្ញៀវកិត្តិយសត្រូវបានអញ្ជើញឲ្យចូលរួមដំបូងនៅវិហារ St George’s Chapel ហើយក្រោយមកត្រូវពិសាអាហារថ្ងៃត្រង់នៅសាល St George’s Hall។

ចំណែកធៀបការវិញ គោរពទៅតាមបែបបទប្រពៃណីនៃរាជវង្ស និងផលិតដោយក្រុមហ៊ុនបោះពុម្ពដ៏ល្បី Barnard and Westwood។ ធៀបការនោះដែរ គេធ្វើស្លាកសញ្ញាតំណាងរាជវង្សក្សត្រចក្រភពអង់គ្លេស រចនាដោយទឹកថ្នាំពណ៌មាស។

២. ម៉ូដដែលត្រូវស្លៀកក្នុងពិធីរាជាភិសេក

ពិធីនេះនឹងត្រូវរៀបចំយ៉ាងអធិកអធម ដូចនេះហើយកំពូលអ្នកច្នៃម៉ូដទាំងអស់បានរៀបចំរួចជាស្រេចនូវម៉ូដដ៏ប្រណីតសម្រាប់គូស្នេហ៍ទាំង ២។ ស្របពេល រដូវនេះជានិទាឃរដូវក្នុងប្រទេស ដូចនេះមួក និងផ្កាភ្ញីនឹងត្រូវយកមកតុបតែងច្រើន។ មួយវិញទៀតឈុតនីមួយៗ នឹងមានលម្អក្បាច់ពងជីងចក់ រំលេចជាមួយពណ៌ផ្ទែមេឃ។

៣. នំសម្រាប់រាជាភិសេក

នំដែលមានគូស្នេហ៍នេះ ជ្រើសដាក់ក្នុងពិធីនេះ គឺចម្រាញ់ពីផ្លែក្រូច និងផ្កា Elderflower ជាមួយគ្រីម។

៤. ការអបអររាជាភិសេកក្នុងទីក្រុង

ទីក្រុងក្នុងប្រទេសបានអបអរពិធីរាជាភិសេក ដោយប្រជាជនក្នុងទីក្រុងបានរចនារូបថត ព្រះអង្គម្ចាស់ Harry និងតារាសម្ដែង Meghan ក្នុងបន្តោងសោ ប៊ិច និងវត្ថុអនុស្សាវរីយ៍ផ្សេងៗជាច្រើនប្រភេទ។ មួយវិញទៀត ស្ទើរគ្រប់ហាងសុទ្ធតែមានដាក់តាំងរូបអ្នកទាំង ២៕

ប្រភព៖ caravanalive ប្រែសម្រួល៖ យី សុធារី