ក្មេងស្រីម្នាក់សុំ The Rock ទៅ Prom តែអ្វីដែលទទួលបានគឺលើសពីការរំពឹងទុក

2018-05-20 02:42:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១៥ ខែមេសា ក្មេងស្រីវ័យ ១៨ ឆ្នាំម្នាក់ឈ្មោះ Katie Kelzenberg បានបង្ហោះវីដេអូមួយលើគណនី Twitter របស់នាង ដើម្បីស្នើសុំតារាសម្ដែងដ៏ល្បីឈ្មោះ Dwayne Johnson ហៅ The Rock អញ្ជើញចូលរួមកម្មវិធីជប់លៀងបញ្ចប់ឆ្នាំសិក្សាជាមួយនាង។

វីដេអូរបស់នាង គឺទទួលបានការចូលមើលច្រើនជាង ៣២៩, ០០០ដង ដែលជាហេតុធ្វើឲ្យវីដេអូស្នើសុំរបស់នាងបានលេចឮទៅដល់តារាសម្ដែង The Rock។ ហើយជាការពញ្ញាក់អារម្មណ៍ តារាសម្ដែងរូបនេះក៏បានផ្ញើជាខ្សែអាត់សំឡេងឆ្លើយតបទៅក្មេងស្រីរូបនោះវិញ។

ជាសំណាងមិនល្អ តារាសម្ដែងរូបនេះមិនអាចអញ្ជើញចូលរួមកម្មវិធីជប់លៀងនោះជាមួយនាងបាន ព្រោះអំឡុងពេលនោះ លោកកំពុងជាប់ថតខ្សែភាពយន្ត "Jungle Cruise” នៅលើកោះហាវ៉ៃ។ តែទោះជាយ៉ាងណាក៏ដោយ លោកបានធ្វើការភ្ញាក់ផ្អើលដ៏ធំមួយសម្រាប់នាងនិងមិត្តភ័ក្ដិរបស់នាងទាំងអស់។

លោកបានជួលបន្ទប់រោងកុនមួយទាំងមូលដែលមានកៅអីសរុប ២៣២កៅអី ទុកសម្រាប់តែនាង និងមិត្តភ័ក្ដិ ក្រុមគ្រួសារនាងទាំងអស់ ដើម្បីទស្សនាខ្សែភាពយន្តថ្មីរបស់លោក "Rampage”។ អ្វីដែលកាន់តែពិសេសជាងនេះទៅទៀត គឺក្មេងស្រីឈ្មោះ Katie Kelzenberg រូបនេះក៏អាចញ៉ាំចំណីអាហារទាំងប៉ុន្មានក្នុងរោងកុននោះដោយសេរីថែមទៀតផង។