ញាក់សាច់! វិនាទីចុងក្រោយសំបុត្រ UCL វគ្គផ្ដាច់ព្រ័ត្រឡើងថ្លៃដល់ខ្ទង់ម៉ឺន
- 2018-05-22 02:34:12
- ចំនួនមតិ 0 | ចំនួនចែករំលែក 0
ញាក់សាច់! វិនាទីចុងក្រោយសំបុត្រ UCL វគ្គផ្ដាច់ព្រ័ត្រឡើងថ្លៃដល់ខ្ទង់ម៉ឺន
ចន្លោះមិនឃើញ
អ្នកគាំទ្រ Liverpool ដែលទិញសំបុត្រមិនទាន់ សម្រាប់មើលវគ្គផ្ដាច់ព្រ័ត្រ Champions League អាចត្រូវចំណាយលុយច្រើនលើសលប់នៅវិនាទីចុងក្រោយដោយសារការប្រកួតកាន់តែកៀកមែនទែនហើយ។
សំបុត្រប្រមាណ ១៦៦២៦កៅអីត្រូវបានលក់អស់តែប៉ុន្មានថ្ងៃប៉ុណ្ណោះសម្រាប់អ្នកគាំទ្រហង្សក្រហមដែលមានបំណងទៅមើលផ្ទាល់នៅទីក្រុង Kiev ប្រទេសអ៊ុយក្រែន ប៉ុន្តែពេលនេះមានសំបុត្រប្រហែលខ្ទង់រយបានដាក់លក់បន្តលើអ៊ិនធឺណែត។
យ៉ាងណាកៅអីធម្មតាដែលមានតម្លៃដើមត្រឹម ២៨១ផោនបានកើនដល់ ១៥០០០ផោន ហើយសំបុត្រ VIP វិញឡើងដល់ជាង ២០០០០ផោនក៏មាន។ គួរបញ្ជាក់ថា Liverpool នឹងប៉ះ Real Madrid នៅថ្ងៃទី២៦ ខែឧសភា ឆ្នាំ២០១៨ វេលាម៉ោង ១និង៤៥នាទីរំលងអាធ្រាត្រ៕