Arsenal បញ្ចេញអាវថ្មីខ្លួនសម្រាប់រដូវកាល ២០១៨/១៩ ស្របពេលកីឡាករខ្លះនឹងប្ដូរលេខអាវ
- 2018-05-22 12:35:06
- ចំនួនមតិ 0 | ចំនួនចែករំលែក 0
Arsenal បញ្ចេញអាវថ្មីខ្លួនសម្រាប់រដូវកាល ២០១៨/១៩ ស្របពេលកីឡាករខ្លះនឹងប្ដូរលេខអាវ
ចន្លោះមិនឃើញ
ក្នុងថ្ងៃនេះ ក្លឹបកាំភ្លើងធំ Arsenal បានបញ្ចេញអាវថ្មីសម្រាប់រដូវកាល ២០១៨/១៩។ ស្របជាមួយគ្នានេះដែរ ក្លឹបក៏បានប្រកាសពីការដូរលេខអាវ សម្រាប់កីឡាករមួយចំនួន។
អាវថ្មីរបស់ Arsenal ហាក់មានលក្ខណៈខុសពីរដូវកាលកន្លងៗទៅ ត្រង់ការលេងម៉ូតចំណុចតូចៗជាច្រើនពណ៌ក្រហមនៅលើដៃអាវទាំងសងខាង។ បើតាមការចុះផ្សាយរបស់ Daily Mail ម៉ូតអាវនេះ អាចជាម៉ូតចុងក្រោយដែលក្រុមហ៊ុន PUMA ច្នៃឲ្យក្លឹបកាំភ្លើងធំ។ យោងតាមប្រភពដដែល Addidas អាចនឹងក្លាយជាក្រុមហ៊ុនដៃគូសហការជាមួយក្លឹបចាប់ពីរដូវកាល ២០១៩/២០។
ដោយឡែក ក៏មានដែរ ការផ្លាស់លេខអាវសម្រាប់កីឡាករមួយចំនួនរបស់ក្លឹបកាំភ្លើងធំ។ កីឡាករទាំងនោះរួមមាន Petr Cech (ដូរពីលេខ ៣៣ ទៅ ១) Hector Bellerin (ដូរពីលេខ ២៤ ទៅ ២) Mohamed Elneny (ដូរពីលេខ ៣៥ ទៅ ៤ ជំនួសខ្សែការពារ Per Mertesacker ដែលចូលនិវត្តន៍) និងចុងក្រោយគឺ Granit Xhaka (ដូរពីលេខ ២៩ ទៅ ៣៤)៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
