មកស្គាល់តួអង្គជំនួស របស់តួសំខាន់ៗក្នុងសែស្រឡាយរឿង "Avengers”
- 2018-05-23 02:30:00
- ចំនួនមតិ 0 | ចំនួនចែករំលែក 0
មកស្គាល់តួអង្គជំនួស របស់តួសំខាន់ៗក្នុងសែស្រឡាយរឿង "Avengers”
ចន្លោះមិនឃើញ
ពួកគេគឺជាកត្តាដ៏សំខាន់ម្នាក់ ដែលធ្វើឲ្យតួអង្គល្បីៗទាំងនោះ ទទួលបានជោគជ័យនៅក្នុងសាច់រឿង ប៉ុន្តែសមត្ថភាពនិងការបង្ហាញរូបរាងរបស់ពួកគេពិតជាកម្របានបង្ហាញឲ្យសាធារណជនបានឃើញណាស់។
១. លោក Bobby Holland
លោក Bobby មានរូបរាងសង្ហាមិនខុសពីតារាសម្ដែង Chris Hemsworth ប៉ុន្មានទេ។ លោកសម្ដែងជាតួជំនួសសម្រាប់តួអង្គ "Thor” បើយោងទៅតាមសារព័ត៌មាន Daily Mail លោកពិតជាក្លាហាន និងបានរងរបួសជាច្រើនពេលសម្ដែងរឿង "Thor: Ragnarok”។
២. លោក Anthony Molinri
តារាសម្ដែង Mark Ruffalo ក៏មានតួជំនួសជិតស្និទ្ធមួយរូបដែរ គឺលោកAnthony Molinari។ ទស្សនិកជនបាននិយាយថា ភាពស្រដៀងគ្នារបស់អ្នកទាំងពីរគឺមានដល់ទៅ ៧០ភាគរយឯណោះ។ លោកមានអាយុ ៤៤ឆ្នាំនិងជាតួ Stuntman ដ៏ល្បីឈ្មោះមួយរូបដោយធ្លាប់សម្ដែងនៅក្នុងរឿង "Jack Reacher 2” និង "Ages of the Century” ជាដើម។
៣. លោក Sam Hargave
អ្នកគាំទ្រជាច្រើននៅបណ្ដាញសង្គម Twitter បានគិតថាលោក Sam Hargave សង្ហាមិនចាញ់ Chris Evans ប៉ុន្មានទេ។ លោក Sam បានថតឈុតគ្រោះថ្នាក់ជំនួសលោក Chris Evans ជាច្រើនរឿងក្នុងសែស្រឡាយរឿង "Avengers”។
៤. លោក James Young
នៅទីតាំងថតរឿងលោក Sebastain Stan និង James Young គឺជាមិត្តល្អនឹងគ្នា ដោយសហការថតជាតួអង្គ The Wintersoldier។ អ្នកទស្សនាដែលបានឃើញសកម្មភាពពួកគេក្រៅឆាក គឺស្និទ្ធស្នាលដូចជាបងប្អូនអីចឹង។
៥. លោក Aaron Toney
លោក Aaron ជាតួអង្គជំនួសសម្រាប់តួ Falcon ដែលសម្ដែងដោយលោក Anthony Mackie។
៦. អ្នកនាង Heidi Moneymaker
Heidi Moneymaker គឺជាតួ Stunt សម្រាប់តួអង្គ Black Widow ដែលសម្ដែងដោយ Scarlett Johansson។
៧. លោក Paul Lacovara
Paul បានសម្ដែងជាតួជំនួសតួអង្គ Loki សម្ដែងដោយ Tom Hiddleston។ លោកបាននិយាយរៀបរាប់ថាបទពិសោធន៍នៃការសម្ដែងក្នុងរឿង "Avengers” គឺជាបទពិសោធន៍ដ៏ល្អមួយ។
៨. លោក Tony McFarr
លោក Tony មានរូបរាងដូចលោក Chris Pratt ខ្លាំងហេតុដូច្នេះហើយទើបលោកបានសម្ដែងជា Stuntman សម្រាប់តារារូបនេះជាញឹកញាប់៕