ថាសៀមរាបទៅមានភាសាប្លែកៗ តែអ្នកបន្ទាយមានជ័យវិញ ទាល់តែមានអ្នកបកប្រែ
- 2018-05-23 03:21:59
- ចំនួនមតិ 0 | ចំនួនចែករំលែក 0
ថាសៀមរាបទៅមានភាសាប្លែកៗ តែអ្នកបន្ទាយមានជ័យវិញ ទាល់តែមានអ្នកបកប្រែ
ចន្លោះមិនឃើញ
នៅតាមបណ្ដាភូមិ ឃុំ ស្រុក នានាទូទាំងប្រទេសកម្ពុជា សុទ្ធតែមានគ្រាមភាសានិយាយទំនាក់ទំនងគ្នា ប្រចាំតំបន់របស់ខ្លួន។ ថ្ងៃនេះ Sabay សូមបង្ហាញគ្រាមភាសាអ្នកខេត្តបន្ទាយមានជ័យវិញម្ដង ហើយមានពាក្យមួយចំនួនសឹងតែមិនដែលឮតែម្ដង។
១. កិញ ឬប៉ិន មានន័យថា ពូកែឬប្រសប់
២. ល្អែង ឬរអែង មានន័យថា ឧស្សាហ៍
៣. ល្ពោត មានន័យថា ត្រជាក់
៤. ដិញ មានន័យថា ដឹង
៥. ហាប់ណុង មានន័យថា ស្ទើរតែ,ជិត ឧទាហរណ៍ធម្មតាយើងនិយាយថាភ័យស្ទើរស្លាប់ តែអ្នកបន្ទាយមានជ័យនិយាយថា ភ័យហាប់ណុងស្លាប់។
៦. ទឹកជា មានន័យថា ទឹកសាបធម្មតា (ទឹកពាង ទឹងអណ្តូង លើកលែងទឹកដាំពុះ ទឹកតែ)
៧.ផន់ មានន័យថា របស់(បញ្ជាក់កម្មសិទ្ធិ), ឧ. ផ្ទះផន់ញ៉ុម= ផ្ទះរបស់ខ្ញុំ
៨. មៀវ = ឆ្មារ
៩. តាណេះ តាណុះ = ទីនេះ ទីនោះ
១០. អង់កាឡុប = សំបកកង់
១១. សំអែល = ពោះវៀនកង់
១២. ចុះ = មើម, ឧ. ចុះត្រាវ ចុះឈូក
១៣. ស្លល្វែក្តាម = សម្លខួក្តាម
១៤. បោះ = របស់
១៥. ជុំ = ផង, ជាមួយ, ឧទាហរណ៍ថា ទៅស្រុកជុំអ្នកណា?បើធម្មតានិយាយទៅស្រុកជាមួយអ្នកណា។
១៦. កំប៉េស = ច្រើនណាស់, ឧទាហរណ៍ថា នៅវត្តពេលបុណ្យទាន មនុស្សកំប៉េស
១៨. ណឺ = ណា (ប្រើដើម្បីសុំ) ឧទាហរណ៍ កុំរត់ចោលគ្នាណឺ ន័យធម្មតា កមរត់ចោលគ្នាណា
១៩. សាច់មាន់ = ជ្រាំងខ្នុរ,
២០. សន្លុះ = តឺនុយដាក់អាវក្នុងខោរឺសំពត់, ឧទាហរណ៍កូនសិស្សត្រូវស្លៀកពាក់សន្លុះឲ្យបានសមរម្យ។
២១. ប្រោ = អត់ស្អាត, ឧទាហរណ៍ រូបរាងប្រោដូចខ្ញុំ មានអ្នកណាស្រលាញ់?
២២. ដង្គត់ = គល់ឈើ
២៣. ឆងរ៉ង = ប្រឡាយទឹក
២៤. សោ = អស់កំលាំង
២៥. យ៉ាក = ពិបាក
២៦. រ៉ណា = នរណា
ចុចត្រង់នេះដើម្បីមើលគ្រាមភាសារបស់អ្នកសៀមរាប៖