"សង្សារខ្ញុំមនុស្សភពផ្កាយ" ថៃផលិតមិនឲ្យចាញ់រឿងកូរ៉េទេ សូម្បីផ្ទះក៏រៀបឡើងដូចដែរ

2018-05-25 02:25:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តភាគថៃដែលបានទិញសិទ្ធិពីកូរ៉េមានចំណងជើងថា "សង្សារខ្ញុំមនុស្សភពផ្កាយ” កំពុងដំណើរការថតយ៉ាងសកម្មនាអំឡុងពេលនេះ។

ទាំងអ្នកដឹកនាំ តួសម្ដែងទាំងអស់ក្នុងរឿង បានប្រឹងប្រែងយ៉ាងយកចិត្តទុកដាក់ក្នុងការសម្រិតសម្រាំងឈុតឆាកពិសេសសម្រាប់ទស្សនិកជនរបស់ខ្លួន។ តួយ៉ាងកាលពីថ្ងៃទី ២៤ ខែឧសភា អ្នកដឹកនាំរឿង P'Mai បានបង្ហាញរូបភាពខ្លះៗនៃដំណើរការថតភាពយន្តភាគមួយនេះ។

រូបភាពដែលបានបង្ហាញនោះ គឺក្រៅពីសាច់រឿងយកលំនាំតាមហើយ សម្រាប់ការរៀបចំក្នុងផ្ទះរបស់តួឯកស្រី ក៏ប្រណីតមិនចាញ់ផ្ទះក្នុងរឿងកូរ៉េដែរ។

ផ្ទះរបស់តួឯកស្រី ក្នុងរឿងកូរ៉េ

ផ្ទះរបស់តួឯកស្រី ក្នុងរឿងថៃ

មកទល់ពេលបច្ចុប្បន្ន ខ្សែភាពយន្តរបស់ប៉ុស្តិ៍លេខ៣ ថៃមួយនេះបានសម្រេចការថតពី ២០ ទៅ ៣០ភាគរយហើយ រីឯអ្នកដឹកនាំបានផ្លាស់ប្ដូរមកជា P'Mai (ដែលគ្រប់គ្នាដឹងពីសមត្ថភាពខ្ពស់តាមរយៈរឿង “បុព្វេសន្និវាស”)។

"សង្សារខ្ញុំមនុស្សភពផ្កាយ” របស់ថៃនេះ នឹងចាប់ផ្ដើមបញ្ចាំងនៅដើមឆ្នាំ ២០១៩។ ចំណែកតួសម្ដែង ក្រៅពី Nadech និង Matt ក៏មានតារាប្រុសស្រីជាច្រើនទៀតដែរដូចជាតារាសម្ដែង Masu Junyangdikul, Eye Kamolned, Deaw Suriyon, Thanit Itthipat និង Yoghurt Rawiwan ជាដើម៕