អត់លំៗទេ! ទឹកដោះគោម្ដាយនេះ ទើបផលិតភ្លាម បានមេដាយមាសនៅអូស្ត្រាលីភ្លែត

2018-05-25 04:33:33
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាគមឧស្សាហកម្មទឹកដោះគោអូស្ត្រាលី DIAA (Dairy Industry Association Australia) បានរៀបចំការប្រកួតស្វែងរកផលិតផលមានគុណភាពខ្ពស់ប្រចាំឆ្នាំ 2018 ដែលក្នុងនោះមានផលិតផល ជាច្រើនបានលទ្ធផល និងមេដាយផ្សេងៗគ្នាទៅតាមលំដាប់ ដោយឡែកម្សៅទឹកដោះគោ Royal Ausnz Pregnant Mother ដែលទើបនឹងផលិតឆ្នាំនេះសោះ ក៏ទទួលបានមេដាយមាសទៅហើយ។

លោក Tim Zhang នាយកក្រុមហ៊ុន Gotop Group Healthcare មានកសិដ្ឋានចិញ្ចឹមគោ និងរោងចក្រផលិតម្សៅទឹកដោះគោផ្ទាល់ បាននិយាយថា៖ «ថ្វីត្បិត Royal Ausnz Pregnant Mother ជាផលិតផលថ្មីលើទីផ្សារ តែផលិតផលយើងផ្សេងទៀតតែងតែទទួលបានមេដាយមាស និងប្រាក់រាល់ឆ្នាំ ចាប់តាំងពី ២០១៤ ម្ល៉េះ»។

លោក Tim Zhang នាយកក្រុមហ៊ុន Gotop Group Healthcare

លោកស្រី ឡៅ ច័ន្ទវលក្ខណ៍ នាយក Royal Platinum Co., Ltd ក្រុមហ៊ុនចែកចាយផលិតផល Royal Ausnz ប្រចាំកម្ពុជា បានឲ្យដឹងថា៖ «ម្សៅទឹកដោះគោនេះ នឹងមកដល់កម្ពុជាឆាប់ៗនេះហើយ សម្រាប់ស្ត្រីត្រៀមខ្លួនធ្វើជាអ្នកម្ដាយ ឫស្រីកំពុងមានផ្ទៃពោះ និងអ្នកម្ដាយកំពុងបំបៅកូនដោយទឹកដោះ ព្រោះវាសំបូរដោយវីតាមីន សារធាតុចិញ្ចឹម និងប្រូតេអ៊ីន ដែលជួយទ្រទ្រង់សុខភាពម្ដាយ និងទារក ក៏ដូចជាជួយទប់ទល់អាការៈចាញ់កូន ព្រមទាំងជួយទប់ទល់ការឡើងទម្ងន់ហួសកម្រិតទៀតផង»។

កាលពីឆ្នាំមុន Royal Ausnz ក៏ទទួលបានមេដាយមាសដែរលើទឹកដោះគោទារក ក្រោយពីទទួលមេដាយប្រាក់ ៣ ឆ្នាំជាប់គ្នា ដោយ DIAA បានពិនិត្យទៅលើការផលិតឲ្យបានត្រឹមត្រូវទៅតាមបទដ្ឋានចំណីអាហារអូស្ត្រាលី។

ព័ត៌មានបន្ថែម ចូលទៅវិបសាយ www.diaa.com.au និង www.gotop.com.au ៕

លោកស្រី ឡៅ ច័ន្ទវលក្ខណ៍ នាយក Royal Platinum Co., Ltd

អត្ថបទ៖ វិទូ

ពាក្យទាក់ទង