ថៃយក Mercedes-Benz តម្លៃជិត១០ម៉ឺនដុល្លារទៅរត់តាក់ស៊ីខែក្រោយ
- 2018-05-25 04:30:00
- ចំនួនមតិ 0 | ចំនួនចែករំលែក 0
ថៃយក Mercedes-Benz តម្លៃជិត១០ម៉ឺនដុល្លារទៅរត់តាក់ស៊ីខែក្រោយ
ចន្លោះមិនឃើញ
តាក់ស៊ី ដែលប្រើប្រាស់ឡានទំនើបប្រភេទ Mercedes-Benz នឹងចាប់ផ្ដើមប្រតិបត្តិការនៅលើផ្លូវនៃទីក្រុងបាងកក ប្រទេសថៃ នាថ្ងៃទី៣០ ឧសភាខាងមុខនេះ ជាមួយនឹងតម្លៃចាប់ពី ១៥០បាត(៤,៦៧ដុល្លារ)ឡើងទៅ។ នេះបើតាមការឲ្យដឹងពីលោក Sanit Phromwong ប្រធានអគ្គនាយកដ្ឋានដឹកជញ្ជូនដីគោកថៃ។
លោក Sanit បាននិយាយថា ក្រុមហ៊ុន All Thai Taxi Co គ្រោងនឹងប្រតិបត្តិការឡាន Mercedes-Benz C Class ចំនួន ១០០គ្រឿងនៅក្នុងគម្រោងតាក់ស៊ី VIP នេះ។ ក្រោមគម្រោងនេះ អគ្គនាយកដ្ឋាននដឹកជញ្ជូនផ្លូវគោកថៃតម្រូវឲ្យអ្នកចូលរួមនីមួយៗ មានឡានយ៉ាងតិច ២០គ្រឿង ដែលបានបំពាក់នូវបច្ចេកវិទ្យា ដូចជា GPS ឧបករណ៍ស្កេន Credit Card កាមេរ៉ាមុខ-ក្រោយ និងបច្ចេកវិទ្យាផ្សេងៗទៀត។
លោក Sanit បានបន្តទៀតថា អគ្គនាយកដ្ឋានបានរំពឹងថា ឡានតាក់ស៊ី VIP ចំនួន ៥ពាន់គ្រឿង នឹងអាចប្រតិបត្តិការនៅលើផ្លូវ គិតត្រឹមចុងឆ្នាំ ២០១៨ ខាងមុខនេះ។
តាក់ស៊ីដែលប្រើប្រាស់ឡាន Mercedes-Benz C Class នេះ មានតម្លៃ ៣លានបាត (ប្រមាណ ៩៣ ៤៧២ដុល្លារ) ក្នុង ១គ្រឿង ជាមួយនឹងតម្លៃ ៣ម៉ឺនបាត (៩៣៤ដុល្លារ) ទៅ ៤ម៉ឺនបាត (១២៤៦)ទៀត សម្រាប់បន្ថែមឧបករណ៍។
នាថ្ងៃទី៣០ ឧសភាខាងមុខនេះ ក្រុមហ៊ុនខាងលើគ្រោងនឹងដាក់ឡានតាក់ស៊ី VIP ចំនួន ១៥គ្រឿងសិន ចំណែក ៨៥គ្រឿងផ្សេងទៀត គឺនឹងដាក់ឲ្យដំណើរការនៅចុងខែសីហាខាងមុខ៕
អានអត្ថបទបន្ត៖