ក្រោយចម្រូងចម្រាសបញ្ហាដូរតួ រឿង "Along With The Gods 2" ប្រកាសថ្ងៃបញ្ចាំង
- 2018-05-26 02:11:37
- ចំនួនមតិ 0 | ចំនួនចែករំលែក 0
ក្រោយចម្រូងចម្រាសបញ្ហាដូរតួ រឿង "Along With The Gods 2" ប្រកាសថ្ងៃបញ្ចាំង
ចន្លោះមិនឃើញ
ភាពយន្តខ្នាតធំរបស់កូរ៉េមានចំណងជើងថា "Along With The Gods” វគ្គ១ បានអង្រួនបេះដូងអ្នកទស្សនាជាច្រើននឹកស្មានមិនដល់ ពេលបង្ហាញខ្លួនលើកដំបូងកាលពីចុងឆ្នាំ ២០១៧។ ប៉ុន្តែពេលនេះមានដំណឹងថា រឿងនេះនឹងចេញវគ្គ ២។
ថ្ងៃទី ២៦ ខែឧសភានេះ មានសេចក្ដីរាយការណ៍មកថា រឿង "Along With The Gods 2” នឹងបង្ហាញខ្លួននៅតាមរោងភាពយន្តនៅថ្ងៃទី ០១ ខែសីហាក្នុងឆ្នាំ ២០១៨នេះ។ ដោយសារកន្លងមក មានបញ្ហាមួយចំនួនក្នុងការផ្លាស់ប្ដូរតួសម្ដែង ទើបថ្ងៃបញ្ចាំង ព្រមទាំងដំណើរការផលិតសម្បូរទៅដោយភាពច្របូកច្របល់។ ប៉ុន្តែទោះជាយ៉ាងណា ផលិតករបានព្យាយាមអស់ពីកម្លាំងកាយចិត្តសម្រិតសម្រាំងយកទស្សនីយភាពពិសេស និងឲ្យបានលឿនតាមដែលអាចធ្វើបាន ដើម្បីអ្នកគាំទ្រ។ បច្ចុប្បន្ន ក្រុមការងារក៏កំពុងកាត់តប្លង់ខ្លះ ដាក់ភ្លេង និងកែសម្រួលឈុតឆាកយ៉ាងមមាញឹក។
ដូចប្រិយមិត្តមួយចំនួនបានទស្សនារួចមកហើយ រឿង "Along With The Gods 1” មានការគាំទ្រជាច្រើន ព្រោះវាឆ្លុះបញ្ចាំងពីបាបកម្មរបស់មនុស្សលោក គុណធម៌ និងរឿងរ៉ាវខ្សែជីវិតផ្សេងទៀត៕