បើកមុខតួសំខាន់ម្នាក់ទៀតរបស់ "ALONG WITH THE GODS" វគ្គថ្មី ធានាថាពេញចិត្ត

2018-05-26 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

"Along With The Gods” ជាខ្សែភាពយន្តទទួលបានភាពជោគជ័យមិនធម្មតាក្នុងវិស័យភាពយន្តកូរ៉េ កាលពីខែធ្នូ ឆ្នាំ ២០១៧។

ដោយសារប្រជាប្រិយភាពហក់ឡើងកាន់តែខ្ពស់នេះហើយ ទើបផលិតករសម្រេចផលិតវគ្គថ្មីមួយទៀត ហើយក៏បានប្រកាសថ្ងៃចេញបញ្ចាំងតាមរោងកុនរួចដែរ។ ពិតណាស់ សម្រាប់រដូវកាលទី ២នេះ "Along With The Gods” សម្រេចជ្រើសយកតួធំៗដដែលមកសម្ដែង ក្នុងនោះរួមមាន៖ Ha Jung Woo, Joo Ji Hoon, Kim Hyang Gi, Kim Dong Wook និង D.O (ក្រុម EXO)។

Ha Jung Woo, Kim Hyang Gi និង Joo Ji Hoon

Kim Dong Wook និង D.O (ក្រុម EXO)

ចំណែកតួសំខាន់ម្នាក់ទៀត ដូចប្រិយមិត្តមួយចំនួនបានជ្រាបហើយគឺ កាលពីវគ្គទី ១ គឺជា Cha Tae Hyun ប៉ុន្តែឈានដល់រដូវកាលថ្មី តំណែងនេះបានទៅលើ Ma Dong Seok ដែលល្បីឈ្មោះសុសសាយកាលពីសម្ដែងរឿង "Train To Busan"។

Cha Tae Hyun ក្នុងរឿង "Along With The Gods" វគ្គ ១

លោក Ma Dong Seok

មិនខុសពីវគ្គ១ប៉ុន្មានទេ "Along With The Gods 2” នឹងឆ្លុះបញ្ចាំងពីខ្សែជីវិត និងផលដែលមនុស្សត្រូវទទួលពេលស្លាប់ទៅកាន់ភពមួយទៀត ប៉ុន្តែផលិតករបានបង្កើតឈុតឆាក និងចំណីអារម្មណ៍ថ្មីមិនធ្វើឲ្យអ្នកគាំទ្រខកចិត្តឡើយ។ ភាពយន្តខ្នាតធំនេះ នឹងចាប់ផ្ដើមដាក់បញ្ចាំងនៅថ្ងៃទី ០១ ខែសីហា ឆ្នាំ ២០១៨ខាងមុខ៕

អត្ថបទ៖ យី សុធារី