មានលក់ហើយ Apple Watch S3 ម៉ាស៊ីនជួសជុលថ្មី ធូរថ្លៃជាងធម្មតាជិត ១ សន្លឹក

2018-05-27 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងសប្តាហ៍នេះក្រុមហ៊ុន Apple បានបន្ថែមនូវការដាក់លក់នាឡិកា Apple Watch Series 3 ប្រភេទ LTE ក្នុងលក្ខខណ្ឌជាម៉ាស៊ីនជួសជុលថ្មី (Refurbished) ជាលើកដំបូងនៅទីផ្សារសហរដ្ឋអាមេរិក។

រយៈពេល ២ ថ្ងៃដំបូង នាឡិកាជាង ១០ គ្រឿងត្រូវបានដាក់លក់សាកល្បង ហើយក៏រំពឹងនឹងមានច្រើនគ្រឿងទៀតក្នុងថ្ងៃបន្ទាប់ ឬអតិថិជនអាចតាមដានការលក់តាមរយៈគេហទំព័រ Refurb Tracker។ តម្លៃចាប់ផ្តើមចន្លោះពី ៣៥៩ ដុល្លារ និង ៥៤៩ ដុល្លារ ពោលគឺថោកជាង ១៥ ទៅ ១៦ ភាគរយស្មើនឹង ៧០ ដុល្លារ នៃតម្លៃម៉ាស៊ីនថ្មី ដោយនៅក្រៅស្រុកប្រភេទខ្សែអាលុយមីញ៉ូមទឹកប្រាក់ថ្មីចេញពីប្រអប់ថ្លៃ ៤២៩ ដុល្លារ។

បញ្ជាក់ថានាឡិកាឆ្លាតវៃជួសជុលចេញពី Apple មុនសម្រេចយកមកដាក់លក់ សុទ្ធសឹងឆ្លងកាត់ការសាកល្បង ត្រួតពិនិត្យ និងសម្អាតវេចខ្ចប់សារឡើងវិញទាំងស្រុង បន្សំនឹងគ្រឿងឧបករណ៍ប្រើប្រាស់ដូចជាដុំនិងខ្សែសាកម៉ាញេទិច។ សរុបមកផលិតផល Refurbished របស់ក្រុមហ៊ុនអាមេរិកមួយនេះ អាចគួរឲ្យទុកចិត្តបាន និងសឹងតែមានការភ័ន្តច្រឡំថាជារបស់ថ្មី បើពុំបានត្រួតពិនិត្យលេខម៉ាស៊ីនឲ្យបានច្បាស់លាស់។