ប្រើប្រាស់ Facebook រាល់ថ្ងៃ គួរដឹងប៉ុន្មានចំណុចនេះ ទាក់ទងនឹងទិន្នន័យអ្នក

2018-05-27 02:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook បានប្រកាសគោលការណ៍ប្រើប្រាស់ទិន្នន័យថ្មី ហើយជាមួយនឹងប៉ុន្មានចំណុចនេះ ជួយអ្នកមានចំណេះដឹងបន្ថែមលើទិន្នន័យផ្ទាល់ខ្លួន ពេលប្រើបណ្ដាញសង្គមយក្សមួយនេះ។

ព័ត៌មានប្រភេទណា Facebook ប្រមូល

Facebook កំពុងប្រមូល និងប្រើប្រាស់ពីការ Post, សារ, រូបភាព, Group, ទំព័របានចូលមើល, Hashtags បានប្រើប្រាស់ និងមួយចំនួនទៀត របស់អ្នក។

ក្នុងនោះក៏មាន ទិន្នន័យទាក់ទងនឹងប្រភេទទូរសព្ទ, កុំព្យូទ័រ, ប្រព័ន្ធប្រតិបត្តិការប្រើប្រាស់, ប្រភេទ Browser, វិភាគមើលចំនួនថាមពលថ្មនៅសល់, ទំហំ Storage, ចំណុចរំកិល Mouse លើអ្វីមួយ។ បើ Facebook បើកនៅផ្ទៃខាងក្រោយ (Background) តែមិនប្រើ ក៏មានការកត់ចំណាំផងដែរ។

Facebook Portfolio

ពេល Comment លើការ Post របស់មិត្តភក្ដិ នឹងមានប្រតិកម្មលើ Profile Facebook ទាំងពីរ។ បើ Sync ទិន្នន័យអាសយដ្ឋាន ជាមួយកម្មវិធី Messenger ក្រុមហ៊ុននឹងទទួលបានលេខទូរសព្ទ និងអ៊ីមែល សូម្បីតែពួកគេមិនប្រើ Facebook ក៏ដោយ។

ឧទាហរណ៍ Facebook អានវិភាគរាល់ទំនាក់ទំនងក្នុង Messenger តែអះអាងគ្រាន់ចង់ពង្រឹងសុវត្ថិភាព ការពារ Malware។ ថ្មីៗនេះ អ្នកប្រើប្រាស់ម្នាក់ ភ្ញាក់ខ្លួនពេលដឹងថាកម្មវិធី Messenger កត់ត្រាការ Call ពីមុនរបស់គាត់។

ទីតាំង

ពេលផ្ដល់សិទ្ធឲ្យ Facebook ចូលប្រើកាមេរ៉ា ឬរូបភាព ឬ GPS គ្រប់យ៉ាងចូលប្រើបានទាំងអស់ក្នុង Library មិនមែនត្រឹមរូបភាពមួយៗដូចកាលគិតនោះទេ។

Device ប្រើ Log on ចូល Facebook កាន់តែច្រើន ព័ត៌មានប្រមូលបានកាន់តែច្រើន។ គួរប្រើកម្មវិធី Facebook ត្រឹម Device តែមួយ។ បើព័ត៌មានទីតាំងសំខាន់សម្រាប់អ្នក គួរប្រើត្រឹម Laptop តែ Facebook ក៏ដឹងពី IP address របស់អ្នកដែរ ហើយអាចចាប់យកទិន្នន័យក្នុងរូបភាពជាប្រយោជន៍ ដើម្បីទទួលបានព័ត៌មានទីតាំង។

Facebook ប្រើព័ត៌មាននេះ ធ្វើអ្វីខ្លះ

Facebook ដឹងពីព័ត៌មានផ្ទាល់ខ្លួន និងចំណាប់អារម្មណ៍អ្នក និងមិត្តភក្ដិ នេះមិនត្រឹមជាចំណុចសំខាន់សម្រាប់ពាណិជ្ជកម្មប៉ុណ្ណោះទេ តែក៏ជំរុញសក្ដានុពលសេវាកម្មរបស់ Facebook ផងដែរ ដោយបង្ហាញព័ត៌មាន ឬអ្វីអ្នកចង់បានកាន់តែមានភាពត្រឹមត្រូវ។ គួរដឹងផងដែរថា ការប្រមូលទិន្នន័យមិនមែនត្រឹមការ Click លើពាណិជ្ជកម្មប៉ុណ្ណោះទេ នេះរួមទាំង Group អ្នកស្ថិតនៅ កម្មវិធីបានប្រើប្រាស់ និងវេបសាយបានចូលមើល។

វេបសាយណាមានប៊ូតុង Like របស់ Facebook អាចបញ្ជូនទិន្នន័យ រួមទាំង IP Address ត្រលប់ទៅក្រុមហ៊ុនបណ្ដាញសង្គមយក្សនេះ។

ពេលបន្ថែមរបស់របរចូលក្នុងកន្ត្រកទិញ (Shopping cart) តែមិនបានទិញ ឬស្វែងរកព័ត៌មានផ្សេងលើវេបសាយកក់សណ្ឋាគារ វេបសាយដទៃអាចបង្កើតគោលដៅអតិថិជនដោយខ្លួនឯងពីព័ត៌មានទាំងនេះ បន្ទាប់មក Facebook តម្រង់គោលដៅពាណិជ្ជកម្មគ្រប់គ្នាចូលមើល URL ឬ វីដេអូ។

Facebook នឹងដកចោលមុខងារពាណិជ្ជកម្ម Categories នៅ ៦ ខែទៀត តែមិនមានន័យថានឹងប្រមូលទិន្នន័យបានតិចនោះទេ។ ដោយការប្រើ Profile មនុស្សម្នាក់ ដែលទើបបានទិញរថយន្ត Camry អាចប្រើ Categories របស់ Facebook ស្វែងរកមនុស្សដទៃ ដែលប្រហែលចង់ទិញរថយន្តនោះដែរ។

អ្នកមាន Control ថាតើការ Post ជា Public ឬ Private តែមិនអាចគ្រប់គ្រងលើ Friends បានទេ។ បើពួកគេបង្ហោះអ្វីមួយ អ្នកមិនអាចផ្លាស់ប្ដូរ Status បានទេ ហើយក៏ប្រហែលមិនអាចស្នើលុប Content នោះចោលបានដែរ បើមិនបំពានដល់គោលការណ៍របស់ក្រុមហ៊ុន។

បើ Comment លើការបង្ហោះរបស់នរណាម្នាក់ ពួកគេអាចធ្វើឲ្យវាទៅជា Public បាន។ នេះសំខាន់ បើមានបញ្ហាអ្វីមួយ ពួកគេអាច Block ហើយអ្នកមិនអាចលុប Comments ពីទំព័រពួកគេបានទេ។

Setting Timeline និង Tagging អាចការពារមនុស្សពីការបន្ថែម Post នានាទៅកាន់ Timeline ឬ Tag ឲ្យអ្នកលើ Post របស់ពួកគេ ប៉ុន្តែនៅតែអាច Upload គ្រប់យ៉ាង លើទំព័រផ្ទាល់ខ្លួន។

ការលុប Facebook មិនដូចការ Unsubscribe អ៊ីមែលនោះទេ ដោយចំណាយពេលដល់ទៅ ១៤ ថ្ងៃ។ មុនពេលឈានដល់ចំណុចនេះ គួរទាញយកព័ត៌មានអ្នកទុកជាបញ្ជីទំនាក់ទំនងជាមួយមិត្តភក្ដិ។ Deactivation គណនី មិនមែនលុបចោលគ្រប់យ៉ាងនោះ ដោយរូបភាព ការ Like ឬ ព័ត៌មានមួយចំនួនទៀតត្រូវបានរក្សាទុក ហើយនៅតែអាចប្រើ Messenger គ្រាន់តែអ្នកផ្សេងមិនអាចរកឃើញ Profile អ្នក៕