មកស្គាល់ ការពិត ៩ យ៉ាងនៃទីក្រុង ឌូបៃ មិនធ្លាប់មានអ្នកដឹង

2018-05-27 05:35:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ឌូបៃ គឺជាទីក្រុងដែលមានការអភិវឌ្ឍលឿនបំផុតមួយក្នុងពិភពលោក។ យ៉ាងណាក៏ដោយ បើក្រឡេកទៅមើលអតីតកាលក្នុងអំឡុងឆ្នាំ ១៩៦០ វិញ ឌូបៃគ្រាន់តែជាវាលខ្សាច់រហោស្ថានដែលមានអគារតិចតួចប៉ុណ្ណោះ។

ដូច្នេះ ខាងក្រោមនេះគឺជា ការពិត ៩ យ៉ាងរបស់ទីក្រុង ឌូបៃ មិនធ្លាប់មានអ្នកដឹង ៖

១. ឡានទំនើបៗក្នុងទីក្រុង

មិនថាតែប្រជាជនដែលភាគច្រើនជាអ្នកមាននោះទេ សូម្បីតែប៉ូលិសក្នុងទីក្រុង ឌូបៃក៏ប្រើសុទ្ធតែឡានទំនើបៗ និងមានតម្លៃថ្លៃដូចជា Aston Martin, Ferrari ឬ Mercedes ជាដើម។

២. ៧៧% នៃប្រជាជនទាំងអស់ គឺជាជនអន្តោប្រវេសន៍

ក្នុងទីក្រុង ឌូបៃ មានតែប្រជាជន ២៣% ប៉ុណ្ណោះដែលកើតនៅអារ៉ាប់រួម ខណៈដែលអ្នកធ្វើការ និងកម្មករផ្សេងទៀតសុទ្ធតែជាជនអន្តោប្រវេសន៍មកពីប្រទេសដូចជា ប៉ាគីស្ថាន, ឥណ្ឌា និងបង់ក្លាដេសជាដើម។

៣. សត្វចិញ្ចឹម

វាបានក្លាយទៅជារឿងធម្មតាទៅហើយសម្រាប់អ្នកមាននៅ ឌូបៃ ដែលសត្វចិញ្ចឹមរបស់ពួកគេមិនឆ្កែ ឬឆ្មា នោះទេ ប៉ុន្តែពួកគេចិញ្ចឹមសត្វដូចជា ខ្លារខិន, តោ, និងខ្លាដំបងជាដើម។

៤. ការបង់ពន្ធ

កាលពីអតីតកាល ឌូបៃគឺជាទីក្រុងដែលមិនគិតថ្លៃពន្ធនោះទេ។ ការយកពន្ធត្រូវបានគ្រោងអស់រយៈពេល ១០ ឆ្នាំ មុនចាប់ផ្ដើមអនុវត្តពន្ធអាករលើតម្លៃបន្ថែម (VAT) ៥% នៅថ្ងៃទី ១ មករា ឆ្នាំ ២០១៨ ក្រោមហេតុផលថាដើម្បីបង្កើនប្រាក់ចំណូលរបស់ខ្លួន។ ទោះយ៉ាងណាក៏ដោយ នៅមានទំនិញជាង ១០០ មុខ, សេវាថែទាំសុខភាព និងការអប់រំ មិនត្រូវបានយកពន្ធនោះទេ។

៥. ទីក្រុងដែលមានការអភិវឌ្ឍលឿនបំផុត

យោងតាម City Momentum Index ឲ្យដឹងថា ឌូបៃជា ទីក្រុងដែលមានការអភិវឌ្ឍលឿនបំផុតមួយ ដោយត្រឹមរយៈពេល ៣ឆ្នាំប៉ុណ្ណោះ ពួកគេអាចសាងសង់ស្ថានីយ៍រថភ្លើងក្រោមដីរហូតដល់ ៤២ ស្ថានីយ៍។

៦. សណ្ឋាគារមាស

Burj Khalifa គឺជាសណ្ឋាគារប្រណិតបំផុតមួយក្នុងពិភពលោកលាតសន្ធឹងលើផ្ទៃដី ៨ ០០០ ម៉ែត្រការ៉េ និងត្រូវបានតុបតែងដោយមាសសន្លឹកនៅខាងក្នុង។

៧. ការប្រកួតអូដ្ឋដោយមនុស្សយន្ត

ជំនួសឲ្យការប្រើមនុស្សជិះសត្វអូដ្ឋប្រណាំងគ្នា មនុស្សយន្តត្រូវបានគេប្រើប្រាស់ក្នុងការប្រណាំងប្រកួតសត្វអូដ្ឋ។ ក្នុងនោះ មនុស្សយន្តនីមួយៗ មានតម្លៃចាប់ពី ៣ ០០០ ដុល្លារ រហូតដល់ ១ ម៉ឺនដុល្លារទៀតផង។

៨. ទីប្រជុំជននៅក្រោមដំបូល

ទីប្រជុំជននៅក្រោមដំបូលដែលរួមបញ្ចូលទាំងរោងកុន, ផ្សារទំនើប, សណ្ឋាគារ និងសួនកម្សាន្តជាច្រើន នឹងត្រូវបានសាងសង់ឡើងក្នុងទីក្រុង ឌូបៃ។ ការធ្វើដូចនេះ គឺដើម្បីរក្សាសីតុណ្ហភាពល្អឥតខ្ចោះសម្រាប់ប្រជាជន។