Apple ប្រហែល​នឹង​បង្កើត​ Smart Cover របស់​ iPad Pro មាន​ភាព​វ័យ​ឆ្លាត​ជាង​មុន​ ដោយ​បាន​ដាក់​ចេញ​ប៉ាតង់​មួយ​ សម្រាប់​ Smart Cover ផ្ដល់​វិធី​អាច​ឃើញ​ Notifications ចុងក្រោយ​បាន​ងាយស្រួល​។

Smart Cover អាច​នឹង​យក​គំរូ​ស្តង់ដារ​ដើម​ Smart Cover ដដែល​ក្នុង​ការ​ការពារ​ iPad រួម​ទាំង​អាច​បត់​បាន​បី​ផ្នត់​។ លើស​ពី​នេះ​ នឹង​អាច​មាន​ផ្នែក​បង្ហាញ​ Notification ពេល​ Cover បិទ​ពី​លើ​ iPad បាន​។

ក៏​អាច​មាន​ជំនាន់​ Hybrid នៃ​ Smart Cover ផង​ដែរ​ ដែល​អាច​មាន​ទាំង​អេក្រង់​បង្ហាញ​ LED និង​ផ្នែក​ថ្លា​ (Transparent) ដើម្បី​បង្ហាញ​ព័ត៌មាន​នានា​។

ឧទាហរណ៍ ពេល​ប្រើ​ Smart Cover ថ្លា​ (Transparent) អ៊ីមែល​ដែល​បាន​កំណត់​ជា​សារ​សំខាន់​ អាច​បង្ហាញ​នៅ​ផ្នែក​ Notification លើ​គេ​ ខណៈ​ផ្សេង​ទៀត​បង្ហាញ​នៅ​ក្រោម​។

Apple និង​ក្រុមហ៊ុន​បច្ចេកវិទ្យា​ជាច្រើន​បាន​ចេញ​ប៉ាតង់​បន្តបន្ទាប់​ តែ​ខ្លះ​ចេញ​ជា​លទ្ធផល​ ខ្លះ​មិន​ទាន់​។

នេះ​អាច​បង្ហាញ​ថា​ Apple ​កំពុង​ផ្ដោត​លើ​ការ​បន្ថែម​អត្ថប្រយោជន៍​លើ​ឧបករណ៍​បន្ទាប់បន្សំ​ ក្នុង​ការ​ប្រើប្រាស់​មាន​ភាព​ងាយស្រួល​៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ

• អ្នក​ជាន់ដី​ភព​ព្រះចន្ទ​មុនគេ​ទី៤ បាន​ទទួល​មរណភាព​ហើយ
• មាន​លក់​ហើយ Apple Watch S3 ម៉ាស៊ីន​ជួសជុល​ថ្មី ធូរ​ថ្លៃ​ជាង​ធម្មតា​ជិត ១ សន្លឹក

ប្រភព៖ DigitalTrends   ប្រែ​សម្រួល៖ ប៊ុនធឿន