Messi បញ្ជាក់ជាថ្មីជុំវិញអនាគតខ្លួននៅ Barca

2018-05-28 12:32:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Lionel Messi ក្នុងថ្ងៃនេះ បាននិយាយយ៉ាងច្បាស់ថា មិនមានគម្រោងចាកចេញពី Barcelona ទៅចូលរួមក្លឹបអឺរ៉ុបណាផ្សេងនោះទេ។

កីឡាករអាហ្សង់ទីនបានថ្លែងប្រាប់កម្មវិធីទូរទស្សន៍មួយឈ្មោះ Pasion por el Futbol ថា៖ "ខ្ញុំចង់បញ្ជាក់ជាថ្មីឲ្យច្បាស់ថានៅអឺរ៉ុប ខ្ញុំលេងឲ្យតែក្លឹបមួយគត់ ហើយក្លឹបនោះគឺ Barcelona”។

សូមបញ្ជាក់ផងដែរថា កាលពីរដូវកាលដោះដូរកីឡាករខែក្ដៅលើកមុន Manchester City ត្រូវបានរបាយការណ៍ជាច្រើនលើកឡើងថាបានខំយ៉ាងសស្រាក់សស្រាំក្នុងការតាមទិញ Lionel Messi។ យ៉ាងនេះក្ដី កាលពីដើមខែនេះ លោកប្រធានក្លឹបអ្នកមានបុណ្យបដិសេធពាក្យចចាមអារ៉ាមមួយនេះ។

គួររម្លឹកផងដែរថា កាលពីពេលកន្លងទៅ Messi ធ្លាប់បាននិយាយជាសាធារណៈថា នៅថ្ងៃខាងមុខ ខ្លួនចង់ត្រលប់ទៅលេងនៅក្លឹប Newell's Old Boys ដែលជាក្លឹបដំបូងរបស់ខ្លួននៅអាហ្សង់ទីន។ ក្នុងថ្ងៃនេះ បើទោះជានៅមានភាពស្ទាក់ស្ទើរនៅឡើយ កីឡាករក៏បានបន្តបង្ហាញពីគោលចំហមួយនេះហើយបានលើកឡើងថារយៈពេលដែលខ្លួនលេងនៅទីនោះ គឺអាច "យ៉ាងតិច ៦ ខែ"៕

ប្រភព៖ Four Four Two ប្រែសម្រួល៖ ហ៊ីម រស្មី