ផល សោភ័ណ្ឌ និង ឡៅ ចិត្រា ជាការប្រកួតចាប់អារម្មណ៍ខ្លាំងជាងគេ បើប្រៀបនិងគូផ្ដាច់ព្រ័ត្រដទៃ

2018-05-30 02:48:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតវគ្គផ្ដាច់រវាងអ្នកប្រដាល់ជួរមុខរបស់កម្ពុជា ផល សោភ័ណ្ឌ និងសិស្សប្អូនមកពីឆត្រយោង ៩១១ កាលពីថ្ងៃអាទិត្យ ទី២៧ នៅសង្វៀនបាយ័នស្ទឹងមានជ័យកន្លងទៅនេះ អាចចាត់ទុកថាមានការចាប់អារម្មណ៍ខ្លាំងបំផុតទាំងលើហ្វេសបុក និងចូលទស្សនាផ្ទាល់ជាងគូផ្ដាច់ព្រ័ត្រដទៃទៀត។

ឡៅ ចិត្រា(ខៀវ) ផល សោភ័ណ្ដ(ក្រហម)

ហេតុផលមួយចំនួនដែលមានអ្នកនិយមគុនខ្មែរចាប់អារម្មណ៍ខ្លាំងជាង សុខ ធី ប៉ះ ឡុង ឡៅ ចន្រ្ទា ប៉ះ ពុទ្ធ ឆាយរិទ្ធី ម៉ឺន សុភា ប៉ះ ឡុង សុភី ឬ ផាន់ គ្រាន់ ជាមួយថៃ ព្រោះទាំង សោភ័ណ្ឌ និង ចិត្រា សុទ្ធតែជាជើងខ្លាំង ដែលកម្រនិងចាញ់ រាល់ការប្រកួតមិនថាមិត្តភាព ឬកម្មវិធីខ្សែក្រវាត់នោះឡើយ។ ក្រៅតែពីហេតុផលនេះ នាពេលបច្ចុប្បន្នអ្នកតាមដានប្រដាល់គុនខ្មែរ មានការចាប់អារម្មណ៍ខ្លាំងចំពោះការឡើងកូដរបស់ប្អូនប្រុស ឡៅ ចន្រ្ទា រូបនេះ ស្របពេលគេត្រូវប៉ះផល សោភ័ណ្ឌ ផងនោះ ទើបអ្នកនិយមគុនខ្មែរចង់ទស្សនាពួកគេខ្លាំងបែបនេះ។

ឡៅ ចិត្រា(ខៀវ) ផល សោភ័ណ្ដ(ក្រហម)

បើតាមការឲ្យដឹងខ្លះៗពីបុគ្គលិករបស់ស្ថានីយទូរទស្សនបាយ័ន បង្ហើបថាកន្លែងប្រកួតទីនោះបើចូលពេញប្រហែល ៣០០០នាក់ ប៉ុន្តែហៀរច្រើនបែបនេះអាចជាង ៣០០០នាក់។ ខាងក្រោមនេះជាទិដ្ឋភាពថ្ងៃ ផល សោភ័ណ្ឌ ឈ្នះ ឡៅ ចិត្រា ខ្សែក្រវាត់ Carabao កាលពីថ្ងៃអាទិត្យ ទី២៧ ឆ្នាំ២០១៨ ដែលមានអ្នកទស្សនាខ្លះត្រូវឈរអើតពីខាងក្រៅ និងខ្លះទៀតត្រលប់ទៅផ្ទះវិញដើម្បីទស្សនាតាមទូរទស្សន៍៕