តាមពិតឪពុកវក់លេងហ្គេម Pokemon Go សោះ ទើបបណ្ដោយឲ្យកូនវិះធ្លាក់
- 2018-05-30 03:46:31
- ចំនួនមតិ 0 | ចំនួនចែករំលែក 0
តាមពិតឪពុកវក់លេងហ្គេម Pokemon Go សោះ ទើបបណ្ដោយឲ្យកូនវិះធ្លាក់
ចន្លោះមិនឃើញ
វីដេអូដ៏ល្បីមួយដែលបង្ហាញអំពីបុរសម្នាក់តោងឡើងអគារ ដើម្បីសង្គ្រោះជីវិតក្មេងអាយុ ៤ ឆ្នាំ បានធ្វើឲ្យអ្នកទស្សនាជាច្រើនកើតចិត្តឆ្ងល់ថា "ឪពុកម្ដាយរបស់ក្មេងទៅណា?”។
តាមការឲ្យដឹងពីរាជអាជ្ញាប្រទេសបារាំង ឪពុករបស់ក្មេងប្រុសនេះ បានទុកកូនរបស់ខ្លួនចោលនៅផ្ទះ ដើម្បីទៅទិញឥវ៉ាន់ ប៉ុន្តែពេលទិញឥវ៉ាន់រួចបុរសជាឪពុកមិនបានត្រឡប់មកផ្ទះវិញភ្លាមៗនោះទេ ដោយសម្រេចចិត្តលេងហ្គេម Pokemon Go ទៅវិញ។ Pokemon Go ជាហ្គេមដ៏ល្បីមួយដែលបានធ្វើឲ្យកក្រើកពិភពលោកនៅឆ្នាំ ២០១៦។
ឪពុករូបនេះត្រូវប្រឈមមុខនឹងការជាប់គុករយៈពេល ២ ឆ្នាំ ខណៈដែលបុរសជាអ្នកជួយសង្គ្រោះក្មេងអាយុ ៤ ឆ្នាំទទួលបានការផ្ដល់ជូននូវសិទ្ធជាប្រជាជនបារាំងពីប្រធានាធិបតីបារាំងផ្ទាល់។
Pokemon Go ជាហ្គេមតាមចាប់សត្វក្នុងពិភពពិត ដោយពេលចេញមកភ្លាមក្លាយជាហ្គេមដ៏ល្បីមួយភ្លាម។ គិតត្រឹមចុងឆ្នាំ ២០១៦ មានចំនួនទាញយកដល់ ៥០០ លានដង ប៉ុន្តែមានការរិះគន់ថាហ្គេមនេះធ្វើឲ្យមនុស្សលែងមានការយកចិត្តទុកដាក់ដល់អ្វីនៅជុំវិញ រួមទាំងពេលបើកបរផងដែរ។ ក្រោយកើតមានបញ្ហាច្រើន ហ្គេមនេះក៏បានថយចុះប្រជាប្រិយភាពបន្តិចម្ដងៗ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
