លេចធ្លាយមូលហេតុចំបងមួយទៀតដែលធ្វើឲ្យ Zidane ដើរចេញពី Real

2018-06-05 02:13:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Eden Hazard និង David De Gea គឺជាមូលហេតុចំបងមួយផ្សេងទៀត ជំរុញឲ្យ Zinedine Zidane សម្រេចដើរចេញពីក្លឹប Real Madrid។

នៅរាត្រីមុន Zidane ប្រកាសលាលែងពីតំណែងក្នុងសន្និសីទកាសែត ប្រភពមួយបានបង្ហើបថា បុរសសញ្ជាតិបារាំង និងប្រធានក្លឹប Real Madrid លោក Florentino Perez បានប្រទាក់ប្រទើសគំនិតគ្នាពីគម្រោងទិញកីឡាករនៅរដូវក្ដៅនេះ។

Zidane បានប្រាប់ Perez ថា គេចង់ទិញ Hazard ពី Chelsea ប៉ុន្តែប្រធានក្លឹបថា មិនឲ្យទិញទេ។ ហើយ Perez ក៏បានប្រាប់ទៅកាន់ Zidane ថា លោកចង់នាំអ្នកចាំទីសញ្ជាតិអេស្ប៉ាញ De Gea ពីក្លឹប Manchester United មកទឹកដីអេស្ប៉ាញ។ តែ Zidane បដិសេធព្រោះតែបច្ចុប្បន្នលោកមាន Keylor Navas ដែលស្ថិតក្នុងជម្រើសទៅហើយ។

ដោយសារតែការពិភាក្សាមិនត្រូវរ៉ូវគ្នាច្រើនដងនេះ អ្វីៗចាប់ផ្ដើមប្រេះឆាដោយ Zidane ប្រាប់ Perez ថា លោកអស់ពាក្យនិយាយហើយ មានតែទុកឲ្យប្រធានក្លឹបថែរក្សាក្រុមដោយខ្លួនឯង។ កន្លងទៅពេល Zidane ប្រកាសចេញពីតំណែងលោកបានប្រាប់មូលហេតុថា ដោយសាររយៈពេលនៅ Real ៣ឆ្នាំគឺគ្រប់គ្រាន់ល្មមចេញ។ ស្របពេលសារព័ត៌មានខ្លះដឹងថា ការចេញនេះដោយសារ Perez លូកដៃចង់ផ្លាស់ប្ដូរកីឡាករ ធ្វើឲ្យ Zidane មិនសប្បាយចិត្ត៕