ដឹងមូលហេតុ សុខ ស្រីនាង ធ្លាក់ខ្លួនស្គមជាងមុន
- 2018-06-08 02:22:42
- ចំនួនមតិ 0 | ចំនួនចែករំលែក 0
ដឹងមូលហេតុ សុខ ស្រីនាង ធ្លាក់ខ្លួនស្គមជាងមុន
ចន្លោះមិនឃើញ
តារាចម្រៀង សុខ ស្រីនាង មានរូបរាងកាន់តែស្គមជាងមុន ក្រោយពេលសម្ដែងចប់រឿង "រាជីនីភូមិគ្រឹះ" ជារឿងភាគដំបូងរបស់ខ្លួនក្នុងផលិតកម្មហង្សមាស។
មូលហេតុស្រកគីឡូរហូតស្គមជាងមុនបែបនេះ សុខ ស្រីនាង និយាយថា មានការលំបាកច្រើនហើយហត់ខ្លាំងទៀតផង ដោយសារខ្សែរឿងនេះថតនៅតាមបណ្ដាខេត្តច្រើនកន្លែង តំបន់ខ្លះត្រូវថតក្នុងព្រៃ មានបារមី ផ្សងគ្រោះថ្នាក់ច្រើន។ ជួនកាលត្រូវថតទល់ភ្លឺទៀតផង ហើយគេងមិនបានគ្រប់គ្រាន់នោះទេ។
ម្ចាស់បទ "ខូចចិត្តប៉ុន្មានដងទៀត" ប្រាប់ថា បើពេលណាមានចេញច្រៀង Tour Concert តាមខេត្តទៀត គឺហត់ជាន់លើហត់តែម្ដង រហូតមានថ្ងៃខ្លះ តារាកម្ពស់ ១ម៉ែត្រ៦៦សង់ទីម៉ែត្រ រកពេលសម្រាកស្ទើរមិនបាន ដូច្នេះហើយទើបស្គមជាងមុនច្រើនបែបនេះ។
ចំពោះខ្សែរឿង "រាជិនីភូមិគ្រឹះ" សុខ ស្រីនាង ឲ្យដឹងថា សម្តែងជាតួអង្គសុភាពរាបសារ ព្រមទាំងមានគុណធម៌ ចេះជួយយកអាសាគេ។ ស្រីស្អាតខ្ពស់ស្រឡះកើតក្នុងរាជធានីភ្នំពេញរូបនេះខំប្រឹងនិងតាំងចិត្តយ៉ាងខ្លាំងក្នុងរឿងថ្មីនេះ ទោះហត់ក៏នៅតែតស៊ូ ដើម្បីឲ្យស្នាដៃសម្ដែងទទួលបានការគាំទ្រច្រើន៕