ធ្លាប់តែមានអ្នកគាំទ្រហៅថាជាកីឡាករល្អបំផុត តើ Messi គិតយ៉ាងណាចំពោះខ្លួនឯង?
- 2018-06-05 11:31:59
- ចំនួនមតិ 0 | ចំនួនចែករំលែក 0
ធ្លាប់តែមានអ្នកគាំទ្រហៅថាជាកីឡាករល្អបំផុត តើ Messi គិតយ៉ាងណាចំពោះខ្លួនឯង?
ចន្លោះមិនឃើញ
ខ្សែប្រយុទ្ធ Lionel Messi ក្នុងថ្ងៃនេះ មិនបានចាត់ទុកខ្លួនឯងជា "កីឡាករល្អបំផុត" ឡើយ។ ផ្ទុយទៅវិញ កីឡាករអាហ្សង់ទីនគិតថា ខ្លួនគ្រាន់តែជាកីឡាករបាល់ទាត់ធម្មតា។
Messi បាននិយាយប្រាប់ទស្សនាវដ្ដី Paper Magazine ថា៖ "ខ្ញុំមិនបានចាត់ទុកខ្លួនឯងជាកីឡាករល្អបំផុតឡើយ។ ខ្ញុំគិតថាខ្ញុំគ្រាន់តែជាកីឡាករបាល់ទាត់ធម្មតាដូចគេដូចឯង"។
ទោះជាយ៉ាងណា កីឡាកររូបនេះ មិនបានបកស្រាយបន្ថែមពីមូលហេតុដែលនាំឲ្យខ្លួនគិតបែបនេះ ដោយបែរប្រធានបទនិយាយពីក្រុមជម្រើសជាតិអាហ្សង់ទីននៅ World Cup។ ខ្សែប្រយុទ្ធយល់ថា ក្រុមជម្រើសជាតិត្រូវ "រៀបចំខ្លួនឲ្យមែនទែន" ដើម្បីឲ្យមានកម្រិតខ្លាំងដូចក្រុមជម្រើសជាតិមួយចំនួនដូចជា បារាំង អាល្លឺម៉ង់ ប្រេស៊ីល និងអេស្ប៉ាញជាដើម។
សូមបញ្ជាក់ផងដែរ Messi ត្រូវបានមជ្ឈដ្ឋានបាល់ទាត់ជាច្រើនចាត់ទុកស្ថិតក្នុងចំណោមកីឡាករល្អបំផុតក្នុងលោក ដោយកីឡាករបានបង្ហាញទម្រង់លេងបានយ៉ាងល្អអស់រយៈពេលជាច្រើនឆ្នាំ ឈ្នះពានផ្ទាល់ខ្លួនច្រើន បំបែកកំណត់ត្រា ព្រមទាំងជួយក្លឹប Barcelona ឈ្នះពានធំៗមិនតិចនោះទេ។
ថ្លែងពី World Cup វិញ អាហ្សង់ទីនស្ថិតក្នុងពូល D ហើយនឹងត្រូវប៉ះជាមួយ អ៊ីស្លង់ ក្រូអាត និងនីហ្សេរីយ៉ានាពេលខាងមុខ៕