ត្រឹមជំនួបលើកដំបូង Yaya ស្គាល់ Sehun ច្បាស់ និងទម្លាយចរិតពិតចេញខ្ទេច
- 2018-06-11 01:48:48
- ចំនួនមតិ 0 | ចំនួនចែករំលែក 0
ត្រឹមជំនួបលើកដំបូង Yaya ស្គាល់ Sehun ច្បាស់ និងទម្លាយចរិតពិតចេញខ្ទេច
ចន្លោះមិនឃើញ
ទើបជួបគ្នាបានម្ដង ប៉ុន្តែបានធ្វើឲ្យតារាសម្ដែងស្រីថៃ Yaya Urassaya កោតសរសើរនឹងទឹកចិត្ត និងអត្តចរិតរបស់ Sehun ដែលជាតារា K-Pop មិនដាច់ពីមាត់ឡើយ។
តារាប្រុសស្រីរបស់ថៃ និងកូរ៉េនេះបានជួបគ្នាដំបូងក្នុងកម្មវិធីបង្ហាញម៉ូដ Louis Vuitton ក្នុងទីក្រុងប៉ារីស ប្រទេសបារាំង។ អ្នកទាំង ២បានធ្វើឲ្យមជ្ឈដ្ឋានជាច្រើនមានការចាប់ភ្លឹកជាងគេក្នុងចំណោមតារាផ្សេងទៀត ដោយសារពួកគេសុទ្ធតែជាតារាល្បីជួរមុខប្រចាំប្រទេស និងទទួលបានក្ដីស្រឡាញ់ជាច្រើន។
Yaya តារាស្រីថៃកូនកាត់ណ័រវេសរូបនេះ បាននិយាយក្នុងបទសម្ភាសកាលពីពេលថ្មីៗថា៖ "Sehun ពិតជាគួរឲ្យស្រឡាញ់ និងគួរសមចំពោះអ្នកគ្រប់គ្នាណាស់។ លោកតែងតែញញឹមជានិច្ច។ ឥឡូវនេះខ្ញុំយល់ហើយថា ហេតុអ្វីបានជាលោកមានអ្នកគាំទ្រច្រើនសន្ធឹកបែបនេះ។ នេះក៏ព្រោះតែ Sehun គឺជាមនុស្សល្អត្រឹមត្រូវ និងពិតជាគួរឲ្យស្រឡាញ់ណាស់”។
និយាយបានថា នេះជាពេលវេលាដ៏ពិសេសមួយសម្រាប់តារាទាំង ២ដែលបានជួបគ្នាក្នុងកម្មវិធីលក្ខណៈអន្តរជាតិមួយនេះ ជាហេតុធ្វើឲ្យពួកគេអាចក្លាយជាមិត្តត្រឹមរយៈពេលខ្លី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
