ថេណា មិនថតកុន ព្រោះហេតុផល១

2018-06-11 03:29:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ថេណា និយាយថា មានផលិតកម្មក្នុងស្រុកមួយចំនួនបានទាក់ទង ខ្លួនឲ្យថតកុនជាបន្តបន្ទាប់ តែគួរឲ្យស្ដាយសំណើទាំងនោះត្រូវបានតារាចម្រៀង Original Song រូបនេះបដិសេធមិនទទួលថតឡើយ។

មូលហេតុម្ចាស់បទ"ពលី" បដិសេធថតខ្សែភាពយន្តដោយសារតែខ្វះភាពជឿជាក់លើខ្លួនឯង ខ្លាចសម្ដែងមិនបានល្អបង្កការលំបាកដល់អ្នកដឹកនាំរឿង និងក្រុមការងារ ដែលខំផ្ដល់ទំនុកចិត្តយ៉ាងខ្លាំងមកលើខ្លួន។

“ធម្មតាទេបងអើយ បើខាងផលិតករគាត់ទាក់ទងមកហើយ ច្បាស់ណាស់ថាគាត់ជឿជាក់លើសមត្ថភាពយើងអាចសម្ដែងបាន តែដល់ពេលធាតុពិតយើងអត់ជឿជាក់លើខ្លួនឯងផង។ តើឲ្យសម្ដែងរឿងយ៉ាងម៉េចកើតអ៊ីចឹងហើយទើបខ្ញុំមិនហ៊ានទទួលថត"។ កំលោះសង្ហាមកពីខេត្តកោះកុងបន្ថែម។

លើសពីនេះ ថេណា ថា ថ្ងៃណាមួយប្រសិនបើខ្លួន មានទំនុកចិត្តលើខ្លួនឯងពេលនោះហើយ ដែលលោកសម្រេចចិត្តថតកុន តែត្រូវមើលទៅលើសាច់រឿងសិន ថាវាល្អដល់កម្រិតណាហើយសក្ដិសមជាមួយចរិតឫកពាលក្ខណៈរបស់ខ្លួនអត់។

អត្ថបទ៖ ឆុង ស៊ីណាន