អ្នករៀននៅភ្នំពេញតិចអត់ស្គាល់! បណ្ណាល័យធំៗ៨ សៀវភៅរាប់ម៉ឺនក្បាលចង់អាន-ខ្ចី Free

2018-06-11 09:21:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាស្រាវជ្រាវបន្ថែម លើអ្វីដែលខ្លួនឯងកំពុងសិក្សា គឺសំខាន់បំផុតសម្រាប់សិស្សនិស្សិត ដើម្បីបង្កើនចំណេះដឹងឲ្យកាន់តែទូលំទូលាយ។ អ្នកស្នេហាការសិក្សា ប្រាកដជាចង់ដឹងថា នៅភ្នំពេញមានបណ្ណាល័យណាខ្លះ អាចចូលស្រាវជ្រាវ និងខ្ចីសៀវភៅដោយមិនគិតថ្លៃ។ ខាងក្រោមនេះជាបណ្ណាល័យធំៗនៅភ្នំពេញ៨កន្លែងមិនគួរមើលរំលង៖

១. បណ្ណាល័យជាតិកម្ពុជា

បណ្ណាល័យនេះ មានសៀវភៅជាច្រើនផ្នែកសម្រាប់ធ្វើសិក្សាស្រាវជ្រាវ។ -អាស័យដ្ឋាន៖ នៅទល់មុខសាកលវិទ្យាល័យជាតិគ្រប់គ្រង បណ្ដោយផ្លូវគ្រីស្តួភើ ហូវ (ផ្លូវ៩២) ខណ្ឌដូនពេញ ភ្នំពេញ -ថ្ងៃធ្វើការ ច័ន្ទ-សុក្រ (លើកលែង សៅរ៍-អាទិត្យ និងថ្ងៃបុណ្យ) -បើកចាប់ពីម៉ោង ៨:០០ ដល់ម៉ោង ១១:០០ ព្រឹក និង ២:០០ ដល់ម៉ោង៥:០០ រសៀល។ សម្គាល់៖ អាចខ្ចីសៀវភៅតម្រូវ លុះត្រាតែធ្វើកាតសមាជិក ហើយលោកអ្នកអាចខ្ចីសៀវភៅបាន២ក្បាលរយៈពេល២សប្ដាហ៍។

២. បណ្ណាល័យ ហ៊ុន សែន នៃសាកលវិទ្យាល័យភូមិន្ទភ្នំពេញ

បណ្ណាល័យស្ថិតក្នុងបរិវេណសាកលវិទ្យាល័យចំណាស់ជាងគេមួយនេះ មានសៀវភៅច្រើនជាង ១០ម៉ឺនក្បាល ដែលទាក់ទងមុខវិជ្ជាផ្សេងៗ ដូចជាប្រវត្តិសាស្ត្រខ្មែរ វិទ្យាសាស្ត្រ ធនាគារជាដើម។ -អាសយដ្ឋាន៖ សាកលវិទ្យាល័យភូមិន្ទភ្នំពេញ មហាវិថីសហព័ន្ធ រុស្សី ខណ្ឌទួលគោករាជធានីភ្នំពេញ -ថ្ងៃធ្វើការ ច័ន្ទ-សុក្រ ០៧:០០ ព្រឹក ដល់០៥:០០ល្ងាច។ ឯថ្ងៃសៅរ៍បើកពីម៉ោង ៨:០០ ព្រឹក ដល់ ០៤:០០ ល្ងាច។ សម្គាល់៖ អាចខ្ចីសៀវភៅបាន លុះតាតែធ្វើកាតសមាជិកសម្រាប់និស្សិតសាកលវិទ្យាល័យ ភូមិន្ទភ្នំពេញ និងសម្រាប់សាធារណជន សិស្សនិស្សិតសាលាផ្សេង។ ឯការខ្ចីសៀវភៅ គឺតម្រូវឲ្យកក់ប្រាក់ខ្លះ។

៣.មជ្ឈមណ្ឌលធនធានព័តមាន Information Resource Center (IRC)

ជាបណ្ណាល័យដែលគ្រប់គ្រងដោយ ការិយាល័យកិច្ចការសាធារណៈរបស់ស្ថានទូត អាមេរិក។ IRC មានសៀវភៅ ភាពយន្តឯកសារ ទស្សនាវដ្ដី និង Database សម្រាប់ការស្រាវជ្រាវអំពីសហរដ្ឋអាមេរិក។ អ្វីដែលពិសេសគឺ IRC មានលក្ខណៈខុសពីបណ្ណាល័យភាគច្រើននៅកម្ពុជា ត្រង់ថានិស្សិត និងអ្នកស្រាវជ្រាវ អាចរាវរកចំណងជើងសៀវភៅ និងទស្សនាវដ្ដីបណ្ណាល័យនេះ តាមអ៊ីនធើណេតបាន មុននឹងមកខ្ចីសៀវភៅ ឬទស្សនាវដ្ដី។ ដូច្នេះអ្នកស្រាវជ្រាវចំណេញពេលវេលាបានច្រើន ដោយគ្រាន់តែចូលទៅគេហទំព័រ ខាងក្រោម និងបញ្ចូលឈ្មោះបណ្ណាល័យ IRC Cambodia និងមិនបាច់ត្រូវការលេខសំងាត់។

IRC (រូបភាព៖ Flicker/usembassyphnompenh)

ម្យ៉ាងទៀត បើសិស្សនិស្សិត លំបាករកអត្ថបទ ឬឯកសារអំពីសហរដ្ឋអាមេរិក បុគ្គលិករបស់ IRC អាចជួយស្រាវជ្រាវជួន។ IRC ថែមទាំងមានកំព្យូទ័រ ភ្ជាប់អ៊ីនធើណេត សម្រាប់ឲ្យសិស្សនិស្សិតស្រាវជ្រាវនិ ង ព្រីនឯកសារស្រាវជ្រាវ ណាមួយតាមចិត្តដោយឥតគិតថ្លៃ។ -អាសយដ្ឋាន៖ អាគារលេខ១ ផ្លូវលេខ៩៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ -ថ្ងៃធ្វើការ ច័ន្ទ-សុក្រ (លើកលែង សៅ-អាទិត្យ និងថ្ងៃបុណ្យ) -បើកចាប់ពីម៉ោង ៨៣០ ដល់ម៉ោង ១១:៣០ ព្រឹក និង ១:៣០ ដល់ម៉ោង៤:៣០ រសៀល។ សម្គាល់៖ ការធ្វើកាតសមាជិកដើម្បីខ្ចីសៀវភៅ គឺពុំមានគិតថ្លៃទេ។ អាចខ្ចីសៀវភៅ ស៊ីឌី ឌីវីឌី ឃីនឌល(Kindle) និង Playaways ហើយអាចទទួលបានគណនី eLibraryUSA ទៀត។

៤. បណ្ណាល័យ អាមេរិកខែន ខរនើ (American Corner) អាមេរិក ខែន ខរនើ នីមួយៗមានសៀវភៅសម្រាប់សិក្សាភាសាអង់គ្លេស និងធនធានឯកសារផ្សេងៗទៀត ស្ដីពីសហរដ្ឋអាមេរិក ដោយក្នុងនោះ មានព័ត៌មានថ្មីៗ និងត្រឹមត្រូវទាក់ទងនឹងប្រធានបទជាច្រើន រួមមានការសិក្សាពីពលរដ្ឋ ប្រវត្តិសាស្ត្រ វប្បធម៌ ពាណិជ្ជកម្ម ច្បាប់ នយោបាយ និងលទ្ធិប្រជាធិបតេយ្យ របស់សហរដ្ឋអាមេរិក។ -អាសយដ្ឋាន៖ មហាវិថីព្រះនរោត្តម រាជធានីភ្នំពេញ -ថ្ងៃធ្វើការ ច័ន្ទ-សុក្រ ៧:៣០ ព្រឹក ដល់៨:៣០យប់។ រីឯសៅរ៍-អាទិត្យ បើកពីម៉ោង ៨:០០ព្រឹក ដល់ ៥:៣០ រសៀល។ សម្គាល់៖ ការខ្ចីសៀវភៅ គឺតម្រូវឲ្យធ្វើកាតសមាជិក ដោយពុំមានគិតថ្លៃ។ អាចខ្ចីសៀវភៅម្ដងបានពីរក្បាល និងរយៈពេលពីរសប្ដាហ៍។

៥. បណ្ណាល័យ ព្រឹទ្ធសភា បណ្ណាល័យមួយនេះមានសៀវភៅជាច្រើនផ្នែកសម្រាប់ធ្វើសិក្សាស្រាវជ្រាវ។ -អាសយដ្ឋាន៖ មហាវិថីព្រះនរោត្តម រាជធានីភ្នំពេញ -ថ្ងៃធ្វើការ ច័ន្ទ-សុក្រ ០៧:៣០-១១:០០ ព្រឹក និង ០២:០០-០៥:០០ រសៀល។ ចំណែកថ្ងៃសៅរ៍ បើកពីម៉ោង ០៧:៣០ ដល់ ១១:០០ ព្រឹក សម្គាល់៖ ចង់ខ្ចីសៀវភៅ គឺតម្រូវឲ្យមានកាតសមាជិក ដែលស្នើធ្វើដោយពុំមានគិតថ្លៃទេ។ អាចខ្ចីសៀវភៅម្ដងបានពីរក្បាល និងរយៈពេលពីរសប្ដាហ៍ ដោយកក់ប្រាក់ចាប់ពី៥ពាន់រៀលឡើងទៅ។

៦.បណ្ណាល័យអាឡីយ៉ង់ ហ្វ្រង់សេ បណ្ណាល័យនេះជាបណ្ណាល័យឯកជន តែអ្នកសិក្សាអាចចូលអានសៀវភៅនៅទីនោះបានដោយមិនថ្លៃ។ ក្នុងបណ្ណាល័យនោះមានសៀវភៅគ្រប់ប្រភេទ ទាំងភាសាជាតិ ភាសាបារាំង អង់គ្លេស ជាពិសេសកន្លែងអង្គុយបំពាក់ដោយម៉ាស៊ីនត្រជាក់មានផាសុកភាព ប្រសិនបើសិស្សនិស្សិតចង់ខ្ចីសៀវភៅត្រូវកាតសមាជិក។ បណ្ណាល័យនេះ មានទីតាំងនៅលើផ្លូវ១៨០ ចន្លោះផ្លូវត្រសក់ផ្អែម និងផ្លូវព្រះមុនីវង្ស ក្នុងខណ្ឌដូនពេញ រាជធានីភ្នំពេញ។

៧. បណ្ណាល័យបៃតង

បណ្ណាល័យបង្កើតដោយក្រសួងបរិស្ថានកាលពីដើមឆ្នាំ ២០១៧ ដែលមានផ្ទុកសៀវភៅអប់រំបរិស្ថាន អភិវឌ្ឍជីវៈចម្រុះ ការបំពុល កិច្ចគាំពារបរិស្ថាន ប្រព័ន្ធអេកូឡូស៊ី ក៏ដូចជាការរស់នៅប្រកបដោយនិរន្តរភាព ព្រមទាំងសៀវភៅទាក់ទងនឹងការប្រែប្រួលអាកាសធាតុ សេដ្ឋកិច្ចបៃតង ។ ចំពោះទីតាំងស្ថិតស្ថិតនៅទីស្ដីការក្រសួងបរិស្ថានផ្លូវទៅកោះពេជ្រ។

៨.បណ្ណាល័យបញ្ញាវ័ន្ត

បណ្ណាល័យបញ្ញាវ័ន្ត មានទីតាំងស្ថិតនៅក្បែរសាលាបឋមសិក្សាទួលស្លែង ក្នុងខណ្ឌចំការមន។ បណ្ណាល័យ មានផ្ទុកសៀវភៅជាច្រើនក្បាលពាក់ព័ន្ធនឹងសៀវភៅច្បាប់ សេដ្ឋកិច្ច បរិស្ថាន អក្សរសាស្ត្រ និងរឿងព្រេង ដែលមានទាំងភាសាខ្មែរ និងបរទេសជាដើម។៕

អត្ថបទ៖ វឌ្ឍនៈ

ពាក្យទាក់ទង

ការអប់រំ និងការងារ

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

រកឃើញចម្លាក់សត្វអណ្តើក ពេលធ្វើកំណាយស្រះទឹក នៅប្រាសាទបាយ័ន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤