៣ ចំណុចគួរដឹង ទាក់ទងលីគកំពូលកម្ពុជាគិតត្រឹមសប្ដាហ៍ទី៩

2018-06-13 02:18:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតលីគកំពូលកម្ពុជាបានបញ្ចប់សប្ដាហ៍ទី៩ ហើយ ដោយក្រុមបឹងកេតស្ថិតនៅកំពូលតារាង ស្របពេលក្រុមបាតតារាងគឺវេស្ទើនភ្នំពេញ។ សម្រាប់សប្ដាហ៍ទី១០ នឹងបន្តប្រកួតនៅចុងសប្ដាហ៍នេះធម្មតា។ គិតត្រឹម ៩ សប្ដាហ៍នេះ តើលីគកំពូលកម្ពុជាមានចំណុចគួរឲ្យចាប់អារម្មណ៍អ្វីខ្លះ ពេលនេះ Sabay សូមលើកយក ៣ ចំណុចមកបង្ហាញជូន។

១ ក្រុមមិនទាន់ចាញ់ និងមិនទាន់ឈ្នះសោះ៖

បឹងកេតស្ថិតនៅកំពូលតារាង ដោយមាន ២៣ ពិន្ទុ ហើយក៏ជាក្រុមដែលមិនទាន់ស្គាល់រសជាតិបរាជ័យផងដែរ គិតត្រឹមសប្ដាហ៍ទី៩នេះ ពោលគឺឈ្នះ ៧ និងស្មើ២ដង។ ពួកគេអាចស៊ុតបញ្ចូលទីគូប្រកួតចំនួន ២៦ គ្រាប់ និងរបួសគ្រាប់បាល់ ១៦ គ្រាប់។

ស្របពេលក្រុម វេស្ទើនភ្នំពេញវិញ មិនទាន់រកបាន ១ពិន្ទុឡើយ ដោយចាញ់ជាប់ៗគ្នា ៩ ប្រកួតតែម្ដង។ ក្រុមនេះត្រូវបានគេទាត់បញ្ចូលទីចំនួន ៣៥ គ្រាប់ ដោយស៊ុតចូលទីដៃគូវិញបានត្រឹម ៣ គ្រាប់ប៉ុណ្ណោះ។

២ អ្នកទាត់បញ្ចូលទីច្រើនជាងគេ៖ គិតត្រឹមពេលនេះអ្នករកគ្រាប់បាល់បានច្រើនជាងគេ បានទៅលើ Befolo Privat Mbarga របស់ អាស៊ីអឺរ៉ុប ដែលរកបាន ១៣ គ្រាប់ ខណៈអ្នកទី២ និងទី៣ បានទៅលើ Julius Oiboh (បឹងកេត) និង Maycon Calijuri (បឹងកេត) ដែលរកបាន ៨ គ្រាប់ស្មើគ្នា។

Befolo Privat Mbarga

៣-សុខ សុវណ្ណ និងកែវ សុខផេង ចូលលេងនៅសប្ដាហ៍នេះ

ក្រោយពេលវិសាខានាំយកកីឡាករទាំងពីរនេះទៅ អ្នកគាំទ្រប្រហែលមានការងឿងឆ្ងល់ថា ពេលណាអាចចូលលេងក្នុងពានរង្វាន់លីគកំពូលកម្ពុជាបាន។ បើតាមប្រភពជាក់លាក់មួយឲ្យដឹងថា កីឡាករជម្រើសជាតិកម្ពុជាទាំងពីរនាក់នេះ នឹងបង្ហាញខ្លួនលេងឲ្យវិសាខានៅចុងសប្ដាហ៍នេះ៕