លើកលែងមួយគូ ខណៈប៉ុន្មានគូទៀត ល្អូកល្អិនផ្អែមជាងស្ករ តែមាត់នៅតែរឹងមិនសារភាព

2018-06-13 04:09:53
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងសង្គមសិល្បៈ ស្ទើរតែជាទម្លាប់ទៅហើយសម្រាប់សិល្បករ សិល្បការិនី ដែលជារឿយៗ ផ្ដល់ចម្លើយបដិសេធចំពោះរឿងរ៉ាវមួយចំនួន ពិសេសគឺពាក់ព័ន្ធជីវិតឯកជនរបស់ពួកគេ។ ភាគច្រើន ទាល់តែស្ថានការណ៍ទុំជោរ ឬដល់ដំណាក់កាលចុងក្រោយទៅហើយ ទើបពួកគេទទួលស្គាល់។

ជាក់ស្ដែងគូសិល្បៈប៉ុន្មានគូខាងក្រោមនេះ បច្ចុប្បន្នបានសេពគប់គ្នាល្អូកល្អិន និងខ្លះក្នុងចំណោមនេះ បានបោះទុនរាប់ម៉ឺនដុល្លាររកស៊ីជាមួយគ្នាទៀត ប៉ុន្តែនៅតែមាត់រឹងដដែលពីទំនាក់ទំនងស្អិតល្មួតរបស់ពួកគេ ពោលគឺ មិនទាន់ដែលបើកចំហនៅឡើយ បើទោះជាមហាជនយល់ថា ពួកគេ គឺជាគូស្នេហ៍នឹងគ្នាក៏ដោយ។ យ៉ាងណាលើកលែង សិល្បករមួយគូដែរ ដែលពួកគេទាំងនោះមាន៖

ម៉ាក សែនសូនីតា និងលោក ប៉ុល វិបូ ហៅ នីត៖ មួយគូនេះ កាន់តែល្បីថាជាគូស្នេហ៍នឹងគ្នា នារយៈកាលចុងក្រោយ ដោយក្នុងនោះ ថែមទាំងមានព័ត៌មានថា ពួកគេរស់នៅក្រោមដំបូលផ្ទះតែមួយទៀតផង។ មិនត្រឹមប៉ុណ្ណឹង នៅបានបោះទុនរកស៊ី បើកហាងលក់គ្រឿងសមុទ្រ "ផែសមុទ្រ" រាប់សិបម៉ឺនដុល្លារអាមេរិកថែមទៀត។ ចម្លើយរបស់ពួកគេ នៅពេលមានការសាកសួរ គឺពួករមែងឆ្លើយពង្វាងថា "គិតតាមមើលឃើញនឹងទៅ"។

២.ស៊ិន យូប៊ិន និងខាត់ វៃហាំង៖ ស្រីស្អាត ប្រុសសង្ហាមួយគូនេះ មិនមានដំណឹងចូលហ៊ុនគ្នារកស៊ីដូចគូទាំងពីរខាងលើទេ ប៉ុន្តែពួកគេក៏ល្អូកល្អិននឹងគ្នាណាស់ដែរ។ ថ្មីៗនេះ ពួកគេទើបប្រារព្ធពិធីជួបជុំអ្នកគាំទ្រជាមួយគ្នា។ កាន់តែពិសេសខាងប្រុស ទើប Surprise ខួបកំណើតខាងស្រី យ៉ាងធ្ងន់ដៃតែម្ដងនាថ្ងៃម្សិលមិញ។ បើទោះរូបភាពខាងក្រៅស្អិតបែបគ្នាក្ដី ពួកគេនៅតែអះអាងថា ជាមិត្តនឹងគ្នាប៉ុណ្ណោះ។

៣.សុខ សោម៉ាវត្តី និង លី វ៉ាហេទ៖ តាំងពីបានសម្ដែងរឿងជាមួយគ្នាក្នុងរឿង "ខូចចិត្តអាជីព" អ្នកមេម៉ាយ និងកីឡាករបាល់ទាត់ សិ្នទ្ធគ្នាខ្លាំងតែម្ដង និងកាន់តែស្និទ្ធពីមួយថ្ងៃទៅមួយថ្ងៃ។ ពួកគេរមែងដើរលេងលក្ខណៈឯកជនទាំងក្នុង និងក្រៅប្រទេសជាមួយគ្នា ថតរូបផ្អែមល្ហែមជាមួយគ្នាស្ទើរគ្រប់កន្លែង។ កាន់តែពិសេស គ្រាន់តែខាងប្រុសទៅប្រកួតបាល់ទាត់នៅបរទេស ខាងស្រីក៏ជិះយន្តហោះទៅគាំទ្រថែមទៀត។ ប៉ុន្តែទាស់តែម្យ៉ាង ពួកគេនៅតែផ្ដល់ចម្លើយថា "មិត្ត" ប៉ុណ្ណោះ។

៤ទេព បូព្រឹក្ស និង ងួន ចាន់ដេវីត៖ ខុសពីប៉ុន្មានគូខាងលើ តារាចម្រៀងក្នុងទ្រនំតែមួយនេះ ស្និទ្ធស្នាលគ្នាខ្លាំង បានទទួលថា ពួកគេគឺជាសង្សារនឹងគ្នាពិតមែន។ប្រកាស ក្រោយពីពួកគេទើបបានចូលហ៊ុនបើកជំនួយមួយ ជាង១០ម៉ឺនដុល្លារអាមេរិកជាមួយគ្នាថ្មី។ យ៉ាងណា ពួកគេអះអាងថា មិនទានគិតពីរឿងភ្ជាប់ពាក្យ ឬរៀបការទេ។