តារាប៉ុន្មានដួងនេះបោះទុនរាប់ម៉ឺនដុល្លារ បង្កើត Brand ខ្លួនឯង ដោយមិនញញើត
- 2018-06-21 02:12:34
- ចំនួនមតិ 0 | ចំនួនចែករំលែក 0
តារាប៉ុន្មានដួងនេះបោះទុនរាប់ម៉ឺនដុល្លារ បង្កើត Brand ខ្លួនឯង ដោយមិនញញើត
ចន្លោះមិនឃើញ
ស្របពេលអាជីពសិល្បៈរបស់តារាមួយចំនួនកំពុងដើរទៅមុខ តារាល្បីៗទាំងនោះបានចំណាយប្រាក់រាប់ម៉ឺនដុល្លារបោះទុនលើមុខជំនួញ ដោយបង្កើត Brand ដាក់ឈ្មោះខ្លួនឯងផ្ទាល់តែម្តង។ Sabay សូមបង្ហាញតារាប្រុសស្រីមួយចំនួនដែលបានបង្កើត Brand ខ្លួនឯង មានដូចជា៖
១. ឱក សុគន្ធកញ្ញា
តារាចម្រៀងកំពុងលេចធ្លោរូបនេះ បានបង្កើតមុខជំនួញលក់កាបូបដោយមាន Brand ឈ្មោះខ្លួនឯង។ ASK ជាឈ្មោះអក្សរកាត់របស់ម្ចាស់បទ "ចង់ទៅណាទៅៗ" ដោយមុខជំនួញថ្មីនេះទើបដំណើរការលក់តាម Online ប៉ុណ្ណោះ។
២. សុខ សុម៉ាវត្តី
ពិធីការិនីរូបស្រស់ សុខ សុម៉ាវត្តី បានយកទឹកអប់ធ្វើជា Brand ផលិតផលផ្ទាល់ខ្លួន ដោយដាក់ថា Huny by Sok Somavatey ។ ផលិតនេះអ្នកនាងនឹងដាក់លក់នៅទល់មុខផ្សារ ម៉ាក្រូ និងតាម Online ផងដែរ។
៣. ទេព បូព្រឹក្ស និង ងួន ចាន់ដេវីត
តារាចម្រៀងគូស្នេហ៍ទាំងពីរ បានបណ្ដាក់ទុនរកស៊ីរួមគ្នាអស់១៤ម៉ឺនដុល្លារ នាំចូលផលិតផលពីប្រទេសកូរ៉េ មាន Brand ឈ្មោះខ្លួនឯង ដោយគ្រឿងសម្អាងរបស់កញ្ញា បូព្រឹក្ស ដាក់ថា X TBP រីឯផលិតផលសម្លៀកបំពាក់ព្រមទាំងមួករបស់ដេវីត ដាក់ថា DIT-WAT។
៤. គង់ ចាន់ស្រីមុំ និង គឹម សីហា
ប្តីប្រពន្ធតែងបង្ហាញភាពផ្អែមល្ហែមមួយគូនេះ បានបើកហាងដោយមានផលិតផលជា Brand ខ្លួនឯង ចំណាយអស់ប្រាក់រាប់ម៉ឺនដុល្លារ។ អ្នកនាង គង់ ចាន់ស្រីមុំ ធ្លាប់និយាយថា ទឹកអប់ គឺដាក់ឈ្មោះនាងតែម្តង ចំណែកផលិតផលទឹកអប់មួយទៀត ដាក់ឈ្មោះប្តីរបស់ខ្លួនផ្ទាល់។
៥. អេឡិច ចាន់ត្រា
មិនខុសពីតារាខាងលើ តារាសាច់ខ្ចីរូបនេះបាននាំចូលទឹកអប់ ដោយដាក់ឈ្មោះខ្លួនឯង ជា Brand លើផលិតផលនោះតែម្ដង។
៦. លី ចាន់សីហា
តារាសម្ដែងកូនមួយរូបនេះ បានដាក់ផលិតផលថែរក្សាសម្ផស្ស ឈ្មោះថា SH មកពីពាក្យកាត់របស់ឈ្មោះនាង គឺ SeyHa។ ហ្វូមលាងមុខ និង BB Cream នោះ ត្រូវបានម្ចាស់សាម៉ីខ្លួនប្រាប់ថា នាំចូលពីប្រទេសកូរ៉េ និងថៃ៕