Mourinho បង្ហាញពីបញ្ហាចម្បងធំរបស់ Ronaldo ប្រឈមមុខនៅ World Cup

2018-06-15 03:17:40
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការរបស់ក្លឹប Mancherster United លោក Jose Mourinho បាននិយាយពីកត្តាលំបាករបស់តារាជើងស៊ុត Cristiano Ronaldo ក្នុងព្រឹត្តិការណ៍ World Cup គឺទាក់ទងនឹងមិត្តរួមក្រុម។

លោក Jose Mourinho

បុរសដែលធ្វើជាអ្នកវិភាគក្នុងព្រឹត្តិការណ៍ខាងលើឲ្យទូរទស្សន៍រុស្សីយល់ថា ការលេងរបស់ Ronaldo ជាមួយជម្រើសជាតិនឹងពិបាកជាងលេងនៅ Real Madrid ព្រោះកីឡាករជម្រើសព័រទុយហ្គាល់មិនសូវមានគុណភាពខ្ពស់ដូចកីឡាករនៅ Madrid ឡើយ។

អ្នកចាត់ការវ័យ៥៥ឆ្នាំបានពន្យល់ថា៖ "រឿងមួយគឺ Ronaldo សម្រាប់ព័រទុយហ្គាល់ ហើយរឿងមួយទៀតសម្រាប់ Real Madrid។ ពេលនេះគេគ្មាន Modric ឬ Kroos ចាំជួយទេ។ ច្បាស់ណាស់ កីឡាករដែលនៅពីក្រោយ Ronaldo សម្រាប់ជម្រើសជាតិព័រទុយហ្គាល់ មិនមែនគុណភាពដូចនៅក្លឹប Real Madrid ឡើយ"។

Cristiano Ronaldo ហ្វឹកហាត់

Bernardo Silva, Goncalo Guedes, Bruno Fernandes និង Joao Moutinho គឺជាកម្លាំងចាំជួយ Ronaldo ក្នុងជម្រើសជាតិ។ យ៉ាងណាមិញ តាមការទស្សន៍ទាយMourinho បានគិតថា ព័រទុយហ្គាល់នឹងឡើងផ្ដាច់ព្រ័ត្រ World Cup ឆ្នាំនេះ។ យប់នេះម៉ោង១រំលេងអាធ្រាត្រ ព័រទុយហ្គាល់ត្រូវតទល់នឹងក្រុមខ្លាំងអេស្ប៉ាញ៕

រូបថតផ្តល់សិទ្ធិដោយ AFP

ប្រភព៖ Give Me Sport ប្រែសម្រួល៖ ហេង សុធារិទ្ធិ