ប្រហិត​សាច់​គោ ចែម៉ី ល្បី​ពេញ​ខេត្ត​បាត់​ដំបង ព្រោះ​ហេតុ​ផល​មួយ

  • 2018-06-16 02:18:39
  • ចំនួនមតិ

ចន្លោះមិនឃើញ

ប្រជាជន​នៅ​ក្នុង​ខេត្ត​បាត់​ដំបង​ស្គាល់​ប្រហិត​សាច់​គោ​សាច់ ដែល​ឆ្ងាញ់​បំផុត​ពី​ហាង ចែ ម៉ី។ ការ​សម្ងាត់​ដែល​ធ្វើ​ឲ្យ​ប្រហិត​គាត់​ឆ្ងាញ់​ពិសា​គឺ​គុណភាព​សាច់​នៅ​ស្រស់​ល្អ។ ចែ ម៉ី អាច​លក់​ប្រហិត​រហូត​ដល់​ទៅ ១ ៥០០ ចង្កាក់​ក្នុង​មួយ​ថ្ងៃ។

ទស្សនា​វីដេអូ​ដើម្បី​ស្វែង​យល់​បន្ថែម​អំពី​អាជីវកម្ម៖

បងស្រី ហ៊ុំ មនី ហៅ​ចែ​ម៉ី អាយុ​៣៧ ឆ្នាំ គឺជា​អ្នក​លក់​ប្រហិត​សាច់​គោ ដ៏​ល្បី​ឈ្មោះ នៅ​ក្រុង​បាត់​ដំបង។ បច្ចុប្បន្ន​ បង​ស្រី ហ៊ុំ មនី រស់​នៅ​ក្នុង​ភូមិ​ទួល​តាឯក សង្កាត់​ទួល​តាឯក ក្រុង​បាត់​ដំបង។ ដោយ​បន្ត​មុខ​របរ​ពី​ឪពុក​ម្ដាយ បង​ស្រី​ចាប់​ផ្ដើម​ធ្វើ​ប្រហិត​សាច់​គោ​ដោយ​ខ្លួន​ឯង នៅ​ឆ្នាំ ២ ០០០។

តម្រូវ​ការ​ប្រហិត​សាច់​គោ​ប្រចាំ​ថ្ងៃ មាន​ការ​ឡើង​ចុះ មិន​ទៀង​ទាត់។ ជា​ការ​ប៉ាន់​ស្មាន​ក្នុង​មួយ​ថ្ងៃ ​បង​ស្រី​ត្រូវ​ការ​សាច់​គោ​ចន្លោះ​ពី ៤០ ទៅ ១០០​គីឡូ​ក្រាម ដើម្បី​ផលិត​ជា​ប្រហិត។  ជា​មួយ​គ្នា​នេះ​ដែរ ក្នុង​មួយ​ថ្ងៃ បង​ស្រី​ត្រូវ​ការ​នំប៉័ង​ពី ៣០០ ទៅ ៧០០​ដើម ដើម្បី​បំពង​លក់​ឱ្យ​អតិថិជន ដែល​មាន​ទាំង​ជន​ជាតិ​ខ្មែរ​ និង​បរទេស៕

សូមចុចអាន៖ មកស្គាល់កន្លែងលក់​ប្រហិតសាច់គោ ល្បីមួយកន្លែង នៅខេត្ត​បាត់ដំបង


អត្ថបទ៖ ក្រុមការងារផ្លូវទៅស្រុក