ថៃ ទិញផ្កាយរណបសង្កេតការណ៍មួយគ្រឿង តម្លៃ ២១៥ លានដុល្លារ

2018-06-16 06:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន Bangkok Post កាលពីថ្ងៃទី១៥ ខែមិថុនា ឆ្នាំ២០១៨ បានឲ្យដឹងថា លោកនាយករដ្ឋមន្ត្រីថៃ ប្រាយុទ្ធ ចាន់អូចា នឹងចុះកិច្ចព្រមព្រៀងជាមួយក្រុមហ៊ុន Airbus ដើម្បីទិញផ្កាយរណបសង្កេតការណ៍មួយគ្រឿង ដែលមានតម្លៃ ២១៥លានដុល្លារ ក្នុងដំណើរទស្សនកិច្ចរបស់លោកទៅកាន់ប្រទេសបារាំង នៅចុងខែនេះ។

ផ្កាយរណបសង្កេតការណ៍

លោក ប្រាយុទ្ធ នឹងជួបជាមួយលោកស្រី Theresa May នាយករដ្ឋមន្ត្រីអង់គ្លេស នៅក្រុងឡុងដ៍ មុនទៅកាន់ប្រទេសបារាំង រួចឈាងចូលទៅក្រុង Toulouse នៅថ្ងៃទី២២ ខែមិថុនា ដើម្បីធ្វើទស្សនកិច្ច ក៏ដូចជាចុះកិច្ចព្រមព្រៀង នៅរោងចក្រ Airbus ។

ដំណើរទស្សនកិច្ចរបស់លោកនាយករដ្ឋមន្ត្រីថៃ ធ្វើឡើងបន្ទាប់ពីសហភាពអឺរ៉ុបយប់ព្រមបន្តការទាក់ទងផ្លូវការជាមួយថៃ កាលពីខែធ្នូ ឆ្នាំ២០១៧ ក្រោយពីផ្អាករយៈពេល ៣ឆ្នាំដោយសាររដ្ឋប្រហារនៅថៃ។

ផ្កាយរណប Theo-II អាចជាគោលដៅរបស់ថៃ បន្ទាប់ពីថៃទិញផ្កាយរណប Theos លើកដំបូង កាលពីឆ្នាំ២០០៨ ។ ចំណែក Airbus មិនទាន់អាចទាក់ទងបាន ដើម្បីសុំការឆ្លើយតបពាក់ព័ន្ធនឹងកិច្ចព្រមព្រៀងនេះនៅឡើយទេ៕

អានអត្ថបទបន្ត៖

ប្រភព៖ Kley Kley អត្ថបទ៖ លាភ