Pogba ស៊ុតចុងម៉ោង នាំបារាំងបាន៣ពិន្ទុក្នុងដៃនៅប្រកួតដំបូង

2018-06-16 12:10:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Paul Pogba ខ្សែបម្រើរបស់ Manchester United បានក្លាយជាកីឡាករនាំសំណាង ជួយឲ្យមាន់គកបារាំងទទួលបាន៣ពិន្ទុក្នុងការប្រកួតដំបូងនៅពូល C ក្រោយយកឈ្នះលើក្រុមអូស្ត្រាលីមុននេះ។

ការប្រកួតដែលចាប់ផ្ដើមនាក្បាលព្រលប់ម៉ោង៥ បារាំងបានធ្វើការសម្ពាធច្រើនលើអូស្ត្រាលី ដោយទាត់ចំគោលដៅដល់ទៅ៤ជើង។ យ៉ាងណាមិញ ត្បិតមានប្រៀបទាំងការទាត់សំដៅទីនិងគ្រប់គ្រងបាល់ក្រុមយក្សមកពីអឺរ៉ុបមួយនេះមិនអាចធ្វើអ្វីបានឡើងលើក្រុមមកពីអាស៊ី ក្នុងវគ្គទី១។

ឈានដល់វគ្គទី២ ការប្រកួតចាប់ផ្ដើមបាន១៣នាទី ក្រុមលោក Didier Deschamps ក៏ទទួលបានបាល់ប៉េណាល់ទី ក្រោយអាជ្ញាកណ្ដាលពិនិត្យក្នុងប្រព័ន្ធវីដេអូជំនួសអាជ្ញាកណ្ដាលឃើញខាងកីឡាករអូស្ត្រាលីប្រព្រឹត្តិកំហុសក្នុងតំបន់គ្រោះថ្នាក់។ Antoine Griezmann ជាអ្នកចាត់ចែកប៉េណាល់ទីនេះ ដោយទាត់ទម្លុះដៃអ្នកចាំទី Mathew Ryan យ៉ាងល្អ។

យ៉ាងណាមិញ ៤នាទីបន្ទាប់អូស្ត្រាលីក៏ទទួលបានប៉េណាល់ទីមួយវិញ ក្រោយ Umtiti យកដៃប៉ះបាល់។ Mile Jedinak ជាអ្នកទាត់បញ្ចូលទីតាមស្មើឲ្យ អូស្ត្រាលី។ ភាពសប្បាយរីករាយរបស់ក្រុមអាវលឿងអូស្ត្រាលីក៏បានរលត់ទៅវិញ បន្ទាប់ Pogba លេង ១ ២ ជាមួយ Olivier Giroud ស៊ុតចូលទីនាទី៨១ នាំឲ្យបារាំងយកជ័យជម្នះបានក្នុងលទ្ធផល ២ទល់នឹង១៕