ផ្ទុះការរិះគន់ខ្លាំងពេក ចន ច័ន្ទលក្ខិណា ថា កម្មវិធីពិសាបាយជុំអ្នកសិល្បៈប៉ុន្មានថ្ងៃមុនមិនមែនជាកម្មវិធីរបស់នាងទេ
- 2018-06-17 04:00:20
- ចំនួនមតិ 0 | ចំនួនចែករំលែក 0
ផ្ទុះការរិះគន់ខ្លាំងពេក ចន ច័ន្ទលក្ខិណា ថា កម្មវិធីពិសាបាយជុំអ្នកសិល្បៈប៉ុន្មានថ្ងៃមុនមិនមែនជាកម្មវិធីរបស់នាងទេ
ចន្លោះមិនឃើញ
អាហារសាមគ្គីដែលប្រជុំទៅដោយសិល្បករសិល្បៈការិនីជាង៣០០នាក់ក្រោមវត្តមានឯកឧត្ដម ហ៊ុន ម៉ានី និងលោកជំទាវជាភ្ញៀវកិត្តិយសកាលពីថ្ងៃទី១៥ មិថុនា ឆ្នាំ ២០១៨កន្លងទៅ អ្នកនាង ចន ច័ន្ទលក្ខិណា បានប្រកាសថា កម្មវិធីមួយនេះ មិនមែនជាកម្មវិធីរបស់សមាគមសិល្បករខ្មែរដែលមាននាងជាប្រធានឡើយ កម្មវិធីនោះ គឺជាកម្មវិធីសមាគមមិត្តសិល្បៈស្ម័គ្រចិត្តជួយសង្គម ដែលមានលោក ហេង ឡុង អនាគតស្វាមីរបស់នាងជាប្រធាន ។
ការលើកឡើងបែបនេះបន្ទាប់ពីកម្មវិធីខាងលើត្រូវបានមហាជន ជាពិសេសអ្នកសិល្បៈបានរិះគន់ចំៗថា សិល្បករសិល្បៈការិនីដែលត្រូវអញ្ជើញចូលរួម គឺសុទ្ធតែជាមនុស្សជិតស្និទ្ធនឹងសមាគម និយាយដោយខ្លី ភាគច្រើនសុទ្ធតែបក្សពួកខ្លួនតែប៉ុណ្ណោះ។ អ្នកនាងចន ច័ន្ទលក្ខិណា បានពន្យល់ថា កម្មវិធីអាហារសាមគ្គីមនោះ គឺជាការរៀបចំរបស់សមាគមមិត្តសិល្បៈស្ម័គ្រចិត្តជួយសង្គមដែលមានលោក ហេង ឡុង ជាប្រធាន មិនមែនជាការរៀបចំរបស់សមាគមសិល្បករខ្មែរទេ ។ រូបនាង បានលាលែងតំណែងប្រធានសមាគមមិត្តសិល្បៈស្ម័គ្រចិត្តជួយសង្គមយូរមកហើយ ដូច្នេះសូមកុំបន្ទោសថា អ្នកនាងអញ្ជើញតែអ្នកជិតដិត បក្សពួកឲ្យសោះ ។
អតីតភរិយាលោក យុទ្ធតារាឆានី រូបនេះបន្តឲ្យដឹងថា អ្នកនាងតែងឮមកជារឿយៗ ហើយម្នាក់ៗបន្ទោសនាក្នុងរឿងរៀបចំកម្មវិធីម្តងៗ ។ អ្នកថា អ្នកនាងទៅចូលរួមអាហារសាមគ្គីនោះជាភ្ញៀវកិត្តិយសក្នុងនាមជាប្រធានសមាគមសិល្បករខ្មែរ និងជាអ្នកជួយសម្របសម្រួលផ្នែកពិធីការ និង ក្រុមការងារស្ម័គ្រចិត្តប៉ុណ្ណោះ ។
ចំពោះការអញ្ជើញភ្ញៀវចូលរួមកម្មវិធី អ្នកនាងថា ខ្លួនមិនបានអញ្ជើញដោយផ្ទាល់ទេ គឺជាតួនាទីបុគ្គលិករដ្ឋបាលរបស់សមាគមមិត្តសិល្បៈស្ម័គ្រចិត្តជួយសង្គមជាអ្នកអញ្ជើញ អ្នកនាង អត់មានសិទ្ធិនោះទេ។
ជាមួយគ្នានោះ ប្រធានសមាគមសិល្បករខ្មែរអាណត្តិថ្មីរូបនេះ បានសំណូមពរដល់សិល្បករសិល្បៈការិនីទាំងអស់សូមកុំប្រកាន់ និងមានការយល់ច្រឡំលើរូបនាងទៀត ហើយកម្មវិធីកន្លងទៅនោះផ្តោតសំខាន់ទៅលើសិល្បករចាស់ជរាប៉ុណ្ណោះ។
សមាគមមិត្តសិល្បៈស្ម័គ្រចិត្តជួយសង្គម ត្រូវបានបង្កើតឡើងដោយមានលោក ហេង ឡុង ជាស្ថាបនិក ដែលដំបូងឡើយបានជ្រើសរើសអ្នកនាង ចន ច័ន្ទលក្ខិណា ជាប្រធាន ហើយថ្មីៗអតីតភរិយាលោក យុទ្ធតារាឆានី រូបនេះបានលាលែងពីតំណែង បន្ទាប់អ្នកនាងត្រូវបានជាប់ត្នោតជា ប្រធានសមាគមសិល្បករខ្មែរ។
សមាគមទាំងពីរដែលដឹកនាំដោយគូស្នេហានេះ ត្រូវបានគេមើលឃើញថា ធ្វើកិច្ចការបម្រើដល់អ្នកសិល្បៈដូចគ្នា ។ ចំពោះថវិកាទ្រទ្រង់លើសកម្មភាពវិញ សមាគមសិល្បករខ្មែរ មិនសូវមានសប្បុរសជនជួយច្រើនឡើយ ប៉ុន្តែបើសមាគមមិត្តសិល្បៈស្ម័គ្រចិត្តជួយសង្គម ឃើញមានសប្បុរសជនជួយច្រើន ជាពិសេសថ្នាក់ដឹកនាំ និង អ្នកជំនួញធំៗ ដោយយ៉ាងហើយណាស់ក្នុង១ឆ្នាំ សមាគមមួយនេះមានថវិកាយ៉ាងតិច១៥ម៉ឺនដុល្លារឯណោះ ។ ការពិសាអាហារសាមគ្គីខាងលើ គឺជាលើកទី២ហើយដែល សមាគមមួយនេះ ចាប់ផ្ដើមបង្កើតមក ជាឆន្ទៈ លោកឋ ហេង ឡុង បានប្ដេជ្ញាថានឹងបន្តធ្វើឲ្យបានជារៀងរាល់ឆ្នាំ៕