VAR នាំភាពក្លាហានដល់អាជ្ញាកណ្តាល ក្នុងការធ្វើសេចក្ដីសម្រេចចិត្តធំៗ
- 2018-06-17 10:05:26
- ចំនួនមតិ 0 | ចំនួនចែករំលែក 0
VAR នាំភាពក្លាហានដល់អាជ្ញាកណ្តាល ក្នុងការធ្វើសេចក្ដីសម្រេចចិត្តធំៗ
ចន្លោះមិនឃើញ
ស្វាគមន៍មកកាន់ VAR (វីដេអូជំនួយអាជ្ញាកណ្ដាល) នៅក្នុងព្រឹត្តការណ៍ World Cup ២០១៨។ ៣ថ្ងៃដំបូងនៃការប្រកួតនៅប្រទេសរុស្ស៊ី VAR បានធ្វើឲ្យអាជ្ញាកណ្តាលមានភាពក្លាហានក្នុងការធ្វើសេចក្ដីសម្រេចចិត្តធំៗជាច្រើន។
ប្រសិនបើគ្មាន VAR ការសម្រេចចិត្តផ្តល់បាល់ពិន័យ១១ម៉ែត្រឲ្យទៅបារាំង និង អាហ្សង់ទីន នឹងក្លាយជាការវែកញែកដ៏ក្តៅគគុក។ VAR បាននាំយកនូវបទពិសោធន៍នៃការសម្រុះសម្រួលថ្មីក្នុងពិភពបាល់ទាត់ក្នុងរយៈពេល១៤០ឆ្នាំមកនេះ។
ស្ថានភាពនៅពេលដែល Antoine Griezmann ដួលដោយសារការឈូសជើងរបស់ខ្សែការពារ Josh Risdon ដំបូងឡើយគ្មានការពិន័យ ប៉ុន្តែក្រោយអាជ្ញាកណ្តាលពិនិត្យ VAR បាល់១១ម៉ែត្រត្រូវបានប្រគល់ឲ្យបារាំង។ ហេតុការណ៍ស្រដៀងគ្នានេះបានកើតឡើង៣ម៉ោងក្រោយមកទៀត នៅពេលដែលកីឡាករអ៊ីស្លង់ Birkir MárSævarsson បានឈូសកីឡាករ Cristian Pavón របស់អាហ្សង់ទីនដូលក្នុងប្រអប់គ្រោះថ្នាក់។
ដោយឡែក គ្រាប់បាល់ទាត់មិនផុត touchline របស់ Isco ទល់នឹងក្រុមព័រទុយហ្គាល់ ហើយនិង បាល់ចូលផុត touchline របស់ Pogba លើជម្រើសជាតិអូស្រ្តាលី គឺជាការសម្រេចចិត្តរបស់ VAR ហើយ គ្មាននរណាម្នាក់ហ៊ានប្រកែកឡើយ។
យ៉ាងណាក្តី បញ្ហាចម្រូងចម្រាសរបស់ VAR ក្នុងការផ្តល់បាល់ពិន័យ១១ម៉ែត្រដល់ប៉េរូ នៅពេលដែលកីឡាករដាណឺម៉ាកអស់ជំហរ តែសល់ល្បឿនបន្តអូសទៅឈូសជើងខ្សែប្រយុទ្ធ Christian Cueva របស់ប៉េរូ ក្លាយជាការពិភាក្សាវែកញែក ហើយថាប្រសិនបើវាជាការសម្រេចចិត្តរបស់មនុស្ស ដែលមិនមែនបច្ចេកវិទ្យាជាអ្នកសម្រេចចិត្ត ម្ល៉េះសមអាជ្ញាកណ្តាលនឹងវិនិច្ឆ័យរវាងកំហុសដោយចេតនា ឬ អចេតនា។
រាប់ពីឥឡូវនេះទៅ World Cup នៅសល់៥៦ប្រកួតទៀត ដូច្នេះយើងនឹងរង់ចាំមើលថាតើនឹងមានរឿងអ្វីកើតឡើងទៀតនៅក្នុងពិភព VAR របស់បាល់ទាត់សម័យទំនើប៕