៦ ចំណុចអ្នកគួររៀនសូត្រតាម កុំឲ្យខកចិត្តពេលថតរូបច្រើន តែអត់ច្បាស់

2018-06-18 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថតរូបច្រើនកន្លែង តែពេលមកដល់ផ្ទះ មើលស្រងាកចិត្ត ដោយរូបភាពបែរជាបង្ហាញមកព្រាល ដោយមិនដឹងមូលហេតុ។ ប៉ុន្មានចំណុចនេះជួយអ្នកដឹងជាមុន អាចបង្ការកុំឲ្យខកចិត្ត ខាតបង់ពេលវេលា។

១) Shutter Speed យឺតពេក

ប្រភពបង្កដំបូងភាគច្រើន ដោយសារ Shutter Speed យឺតពេក។ នេះអាចមកពីការប្រើ Automatic ឬ Semi-automatic shooting mode ឬកំណត់ Shutter speed ខ្លួនឯងមិនសមស្របតាមស្ថានភាព។

ចំណុចនេះកើតឡើង ពេលថតកំឡុងពេល Golden Hour ឬ ពេលវេលាផ្សេងទៀតមានពន្លឺតិច។

ដូច្នេះ វិធីល្អ មិនគួរប្រើ Shutter speed យឺតជាងកម្រិត Focal length នោះទេ ឧទាហរណ៍ Lens 14mm មិនគួរប្រើ Shutter speed យឺតជាង 1/14 sec ហើយសម្រាប់ Lens 200mm គួរជៀសវាងប្រើ Shutter speed យឺតជាង 1/200 sec ដោយមិនមានប្រើ Tripod។

វិធីផ្សេងទៀត អាចបង្កើនកម្រិត ISO និងប្រើ Aperture ទំហំធំ ដើម្បីទទួលបាន Shutter speed រហ័ស។ គួរដឹងផងដែរ ការបង្កើន ISO និង បើកចំហ Aperture ក៏មានប៉ះពាល់ដល់គុណភាពរូបភាពផងដែរ។

២) Aperture មិនត្រឹមត្រូវ

ពេលប្រើ Aperture ដូចជា f/2.8 កម្រិតច្បាស់ទាំងស្រុងនឹងថយចុះជាង ពេលថតប្រើ Aperture f/13។

នៅកម្រិត f/2.8 ចំណុចមុខគេ នឹងច្បាស់ខ្លាំង ខណៈក្រៅពីនោះបង្ហាញព្រាល។ ពេលប្រើ Aperture រួមតូចដូចជា f/22 កម្រិតច្បាស់ទាំងស្រុងនឹងថមថយ។

ដូច្នេះ ពេលថតទិដ្ឋភាព គួរប្រើបច្ចេកទេសដូចជា Focus stacking ដែលរួមបញ្ចូលគ្នារវាងរូបភាពប្រើកម្រិត Focus ខុសគ្នា មួយ Focus នៅផ្ទៃខាងមុខ និងមួយទៀត Focus នៅផ្ទៃខាងក្រោយ។

៣) ធ្វើឲ្យកាមេរ៉ារង្គើ

ពេលចុចប៊ូតុងថតរបស់កាមេរ៉ា អាចបង្កើតកម្រិតរង្គើចំនួនតូច ដែលប្រហែលអាចគ្រប់គ្រាន់ធ្វើឲ្យទិដ្ឋភាពព្រាល ពេលថតប្រើ Shutter speed យឺត។

ដូច្នេះគួរប្រើ Remote shutter release ចុចថតពីចម្ងាយដោយមិនប៉ះនឹងកាមេរ៉ា ឬប្រើមុខងារថតស្វ័យប្រវត្តិក្នុងរយៈពេលមួយមានស្រាប់លើកាមេរ៉ា ពេលដាក់កាមេរ៉ាលើ Tripod។

៤) Tripod ញ័រ

Tripod តម្លៃធូរថ្លៃ អាចប្រើបាន តែមិនអាចទប់លំនឹងកាមេរ៉ា ពេលថតនៅក្បែរសមុទ្រ ឬទន្លេនោះឡើយ។

បើអាច គួរវិនិយោគលើ Tripod គុណភាពល្អបន្តិច ឬអាចប្រើរបស់មួយទឹកបាន ជួយទប់លំនឹងកាមេរ៉ាធ្ងន់ ឬស្រាលពីចលនាខ្យល់ប៉ះត្រូវ។

៥) ប្រើ Lens គុណភាពទាប

អ្នកប្រហែលធ្លាប់លឺ អ្នកជំនាញថា គួរវិនិយោគលើ Lens ជៀសជាងកាមេរ៉ា។ Lens ប្រើបានស្ថិតស្ថេរ យូរជាងកាមេរ៉ា ហើយក៏ជាចំណុចស្លាប់រស់ លើភាពច្បាស់រូបភាពផងដែរ។

Lens តម្លៃធូរថ្លៃ អាចប្រើបាន តែលទ្ធផលបង្ហាញចេញមកខុសគ្នា ទាក់ទងនឹងកម្រិតច្បាស់។ បើអ្នកទិញពីរ មួយថ្លៃ និងមួយធូរថ្លៃ មកសាក នឹងឃើញចំណុចខុសគ្នាដ៏ធំ។

៦) បញ្ហា Manual

ការ Focus ដោយខ្លួនឯង មើលទៅសាមញ្ញ តែមិនស្រួលដូចថានោះទេ ដោយការរំកិលខុសតែបន្តិច រូបភាពនឹងព្រាល។ មានពីរករណី អាចកើតឡើង៖

Autofocus មិនដំណើរការ៖ Autofocus ល្អ និងងាយស្រួលប្រើលើកាមេរ៉ា តែមិនតែងតែដំណើរការបានល្អដូចការរំពឹងទុកនោះទេ ជាពិសេសពេលប្រើក្នុងស្ថានភាពងងឹត ដែលកាមេរ៉ាពិបាករកចំណុច Focus បានត្រឹមត្រូវ។
អ្នកកំណត់ Focus មិនត្រឹមត្រូវ៖ នេះជាវិធីល្អ អាចសារេកំណត់កម្រិត Focus ដោយខ្លួនឯង តែបើ Focus ឆ្ងាយពេកចេញ ឬចូល កម្រិតច្បាស់ទិដ្ឋភាពនឹងថយចុះ។ ចំណុចនេះត្រូវការពេលវេលា សាកល្បងច្រើនដង ដើម្បីឲ្យសាំ។

Live View ជាជំនួយដ៏ល្អ ពេលចង់កំណត់ Focus ដោយខ្លួនឯង ដោយអាចពង្រីកមើលពិនិត្យមើលចំណុច Focus រហូតដល់ឃើញច្បាស់បំផុត៕