Apps ល្អទាំងនេះ អ្នកគួរដោនឡូតដាក់លើ iPhone ជំនួសកម្មវិធីហ្ស៉ីន

2018-06-18 06:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាទូទៅ នៅលើ iPhone មានភ្ជាប់កម្មវិធីហ្ស៉ីនមួយចំនួនមកស្រាប់ហើយ តែយ៉ាងណាបើអ្នកគិតថា មិនសូវសុាំ ឬគិតថាពិបាកប្រើ អាចងាកមកប្រើ Apps ទាំងនេះវិញ។ ខាងក្រោមជាកម្មវិធីដែល គួរដោនឡូតដាក់លើ iPhone។

#Mail → Edidon Email

បើអ្នកគិតថា Mail លើ iPhone រាងរញែរញ៉ៃពិបាកប្រើ អ្នកអាចសាកល្បងប្តូរមកប្រើ Edidon Email ឬ Email វិញបាន។

ដោនឡូត Edidon Email

#Calendar → Google Calendar

នៅលើ iPhone មានកម្មវិធី Calendar ដើម តែយ៉ាងណាវាមិនសូវបង្ហាញព័ត៌មានបានស្រួលភ្នែកដូច Google Calendar ដូចនេះ អ្នកអាចសាកល្បងប្តូរមកប្រើ Google Calendar ម្ដង។

ដោនឡូត Google Calendar

#Notes → Evernote

សម្រាប់អ្នកតែងតែកត់ចំណាំលើកម្មវិធី Notes អាចសាកល្បងប្តូរមកប្រើ Evernote ម្ដងអ្នកនឹងឃើញភាពងាយស្រួលរបស់វាជាក់ជាមិនខាន។

ដោនឡូត Evernote

#Maps → Google Maps

ចំណុចនេះ ប្រហែលជាអ្នកទាំងអស់គ្នាដោនឡូតទុកប្រើ មុន Sabay ប្រាប់ទៅទៀត។ អ្វីដែលពិសេសគឺ Google Maps អាចរកទីតាំងបានលឿននិង គ្រប់ជ្រុងជ្រោយល្អជាង Maps របស់ Apple ។

ដោនឡូត Google Maps

#Voice Memos → Recordium

Recordium ល្អសម្រាប់ការថតសម្លេងឮច្បាស់ល្អ គ្មានសំឡេងពីក្រៅរំខាន តែយ៉ាងណាអ្នកត្រូវការទិញ បើគិតថាកម្មវិធីដើម Voice Memos មិនសូវល្អ អ្នកអាចគិតគូរបាន។

#Apple Music → Spotify

សម្រាប់កម្មវិធី Apple Music ទោះជាវាផ្តល់ភាពងាយស្រួលដល់អ្នកប្រើ iPhone ពេលស្ដាប់តន្ត្រីក៏ដោយ តែយ៉ាងណា ការផ្ដល់ចំណាត់ថ្នាក់កម្មវិធីស្ដាប់តន្ត្រីល្អបំផុតបានទៅលើ Spotify ឯណោះវិញ។

ដោនឡូតSpotify

#Weather → Dark Sky

កម្មវិធី Weather លើ iDevice សព្វថ្ងៃមានមុខងារច្រើន ថែមទាំងអាចមើលអក្សរខ្មែរបានទៀតផង តែយ៉ាងណាក្ដី អ្នកគួរសាកល្បងប្រើ Dark Sky បាន បើចង់ដឹងពីធាតុអាកាសឲ្យឆុត។

ដោនឡូតDark Sky

#Safari → Google Chrome

ដូចពិបាកឲ្យអ្នកប្តូរដែរ តែយ៉ាងណា បើអ្នកសាកល្បងឈប់ប្រើ Safari មួយរយៈ ងាកមកប្រើ Google Chrome អ្នកនឹងអាចប្ដូរចិត្តក៏ថាបាន។

#Pages → Word

កម្មវិធី Pages នេះសម្រាប់អ្នកកាន់ idevice ប្រាកដជាស្គាល់ច្បាស់ វាដូចទៅនឹងកម្មវិធី Word ចឹងដែរ ប៉ុន្តែវាមិនទាន់អាចបង្ហាញល្អប្រើដូច Word នោះទេ។

ដោនឡូត Word

#Health → MyFitnessPal

សម្រាប់កម្មវិធីតាមដានសុខភាព Health នៅស្រុកយើងមិនសូវមានការប្រើខ្លាំងក្លាណាស់ណាទេ តែយ៉ាងណា បើអ្នកចង់លម្អិតពីសុខភាពអ្នក គួរដោនឡូតកម្មវិធី MyFitnessPal ជំនួសវិញ។

ដោនឡូត MyFitnessPal

#Keynote → PowerPoint

សម្រាប់អ្នកប្រើ iPhone តែងបង្កើត slide លើកម្មវិធី Keynote នៅពេលធ្វើបទបង្ហាញនានា តែវាមានភាពសាំញុំបន្តិច។ នៅពេលនេះអាចសាកល្បងមកប្រើ PowerPoint ជំនួសវិញ នោះនឹងឃើញពីភាពខុសគ្នាជាក់ជាមិនខាន។

ដោនឡូត PowerPoint

#Numbers → Microsoft Excel

សម្រាប់អ្នកឧស្សាហ៍ប្រើកម្មវិធី Numbers របស់ Apple ដែលពាក់ព័ន្ធនឹងការបង្កើត Chart លេខ ឬគណនាចំនួនចំណាយចំណូល អាចសាកល្បងប្ដូរមកប្រើ Excel របស់ Microsoft ជំនួសវិញ ព្រោះមានមុខងារច្រើន បើកចេញលឿន ងាយស្រួលវាយបញ្ចូល ថែមទាំងអាចកែកុនកន្លែងខ្វះខាតលើទូរសព្ទបានទៀតផង។

ដោនឡូត Microsoft Excel

#iMovie → VideoShop

កម្មវិធីនេះល្បីណាស់ ប៉ុន្តែគួរឲ្យស្ដាយនៅលើ App Store គ្មានដាក់ឲ្យទាញយកហ្វ្រីទេ ទាល់តែទិញ។ ដូចនេះ ជាជម្រើសល្អ អ្នកគួរដោនឡូតយកកម្មវិធី VideoShop ជំនួសវិញ ទោះជាមានមុខងារមិនសំបូរដូច iMovie ក៏ប៉ុន្តែវាអាចប្រើការបាន៕

ដោនឡូត VideoShopl