ចំណេញច្រើន កាតរថយន្តក្រុងសាធារណៈ អាចជិះបាន Free ដល់ ១៨០ ដងឯណោះ

2018-06-19 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាតរថយន្តក្រុងសាធារណៈដំបូងបង្អស់នៅខ្មែរ ត្រូវបានដាក់សម្ពោធឲ្យប្រើប្រាស់កាលពីម្សិលមិញក្រោមកិច្ចសហការរវាង ធនាគារឯកទេសវីង និងរដ្ឋាករស្វយ័តដឹកជញ្ជូនសាធារណៈរថយន្តក្រុង ដើម្បីជួយសម្រួលដល់ការធ្វើដំណើរក្នុងរាជធានីភ្នំពេញ ឲ្យកាន់តែមានភាពងាយស្រួលជាងមុន។

កាតរថយន្តក្រុងសាធារណៈ ដែលផ្តល់ដោយ វីង មានពីរជម្រើសសម្រាប់អតិថិជន៖

-កាតពណ៌ ខៀវ គឺសម្រាប់សិស្ស មនុស្សចាស់ ព្រះសង្ឃ បុគ្គលិករោងចក្រ ជនពិការ និងកុមារកម្ពស់ក្រោម ១ម៉ែត្រ ដែលអតិថិជនអាចជិះបាន១៨០ដង ដោយឥតគិតថ្លៃ។ កាតពណ៌ខៀវមានតម្លៃ៤០០០រៀល ដែលអតិថិជនអាចបញ្ចូលចំនួនជិះដោយឥតគិតថ្លៃ នៅគ្រប់ស្ថានីយ៍ឡានក្រុង។

កាតពណ៌បៃតង គឺ សម្រាប់អតិថិជនទូទៅ។ កាតនេះមានតម្លៃ១០០០០ រៀល និងមានទឹកប្រាក់ក្នុងកាតចំនួន ៦០០០រៀល សម្រាប់ធ្វើដំណើរ ដែលអតិថិជនអាចបញ្ចូលទឹកប្រាក់ទៅក្នុងកាត នៅភ្នាក់ងារវីងគ្រប់ទីកន្លែង។

តាមរយៈកាតរថយន្តក្រុង និងបច្ចេកវិទ្យា របស់វីង ប្រជាពលរដ្ឋនឹងមានភាពងាយស្រួលជាងមុន ដោយពួកគេអាចឡើងជិះរថយន្តក្រុងសាធារណៈទាំង១៥៥ ដោយពុំចាំបាច់ព្រួយបារម្ភពីរឿងមានសាច់ប្រាក់ក្នុងហោប៉ៅ និងរីករាយនឹងភាពបត់បែនជាច្រើន ដែលផ្តល់តាមរយៈសេវាកម្មវីង។

សម្រាប់អតិថិជនវីង ដែលប្រើប្រាស់គណនីគ្មានកាត គឺត្រូវតម្រូវឲ្យបង្កើតកាតវីង ឬទិញកាតពណ៌បៃតង ដើម្បីទូទាត់តាមអេឡិចត្រូនិកពេលឡើងជិះរថយន្តក្រុងសាធារណៈ។

សម្រាប់ព័ត៌មានបន្ថែម សូមទំនាក់ទំនង៖ ធនាគារឯកទេសវីង Email: marketing@wingmoney.com