កុំឲ្យចាញ់គេ Oppo ចេញលក់ស្មាតហ្វូនស៊េរីថ្លៃមួយជិត ២ ពាន់ដុល្លារ

2018-06-20 12:39:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Find X ជាកំពូលស្មាតហ្វូនជំនាន់ចុងក្រោយបង្អស់របស់ក្រុមហ៊ុន Oppo ដែលមានចំណុចពិសេសត្រង់ផ្ទៃអេក្រង់ពេញខ្លាំងជាងស្មាតហ្វូនណាទាំងអស់ បន្សំមុខងារកាមេរ៉ា Pop-up បង្កប់នៅខាងក្នុងតួម៉ាស៊ីន។ ក្រោមកិច្ចសហការជាមួយក្រុមហ៊ុនផលិតរថយន្តអ៊ីតាលី ជើងខ្លាំងប្រទេសចិនមួយនេះ បានរចនាចេញលក់នូវ Find X Lamborghini Version ដែលមានតម្លៃ ១ ៩៦៦ ដុល្លារ ។

ម៉ូឌែល Special Edtion បន្ថែមមុខងារសាកថ្មរហ័ស Super VOOC អាចឡើងថ្មពី ០ ទៅ ១០០ ភាគរយ នៃទំហំ ៣ ៤០០mAh ត្រឹមរយៈពេល ៣៥ នាទី ប៉ុន្តែជុំវិញលក្ខណៈសម្បត្តិឯទៀត ថាមានភាពខុសគ្នានឹងម៉ូឌែលធម្មតាបែបណាមិនទាន់ត្រូវបាន Oppo បង្ហើបប្រាប់នៅឡើយ។

Et petite surprise, un modèle en partenariat avec @Lamborghini pour @oppo pic.twitter.com/OQ3Q5bfbUp

— Nathalie BlochSitbon (@natalybs) June 19, 2018

កិច្ចសហការនេះធ្វើឡើង ក្រោយរយៈពេលប៉ុន្មានខែនៃការចាប់ដៃរវាង Huawei និង Porsche ក្រោមការចេញលក់ស្មាតហ្វូន Porsche Design Mate RS ប្រើអង្គផ្ទុក 512GB មានតម្លៃក្បែរ ២ ពាន់ដុល្លារដូចគ្នា។