គ្រូក្រូអាតថា ប៉ះអាហ្សង់ទីនយប់នេះ ជាប្រកួតងាយស្រួលបំផុត
- 2018-06-21 02:44:56
- ចំនួនមតិ 0 | ចំនួនចែករំលែក 0
គ្រូក្រូអាតថា ប៉ះអាហ្សង់ទីនយប់នេះ ជាប្រកួតងាយស្រួលបំផុត
ចន្លោះមិនឃើញ
លោក Zlatko Dalic គ្រូបង្វឹកក្រុមបាល់ទាត់ជម្រើសជាតិក្រូអាត បានបញ្ជាក់ថា ការប្រកួតជាមួយក្រុមអាហ្សង់ទីន គឺជាប្រកួតងាយស្រូលបំផុតសម្រាប់ក្រុមលោក។
ក្រូអាតបានត្រៀមខ្លួនរួចជាស្រេចសម្រាប់ការប៉ះជាមួយក្រុមអាហ្សង់ទីននៅយប់ម៉ោង១រំលងអាធ្រាត្រនេះ។ បើតាមការបញ្ជាក់របស់លោក Dalic ក្រូអាតត្រូវយកជ័យជម្នះយប់នេះឱ្យបាន ដើម្បីកក់កៅអីឡើងវគ្គ១៦ក្រុមចុងក្រោយ។ ខណៈដែលប្រកួតនេះ ប៉ះក្រុមដែលពោរពេញទៅដោយកីឡាករល្អៗច្រើនមែន ប៉ុន្តែគ្រូបង្វឹកវ័យ៥១ឆ្នាំ បែរជាគិតថាជាប្រកួតងាយស្រួលទៅវិញ។
“ប្រកួតជាមួយអាហ្សង់ទីន គឺជាប្រកួតងាយស្រួលសម្រាប់យើងនៅ World Cup នេះ ព្រោះយើងមាន៣ពិន្ទុក្នុងដៃ ហើយយើងលេងជាមួយក្រុមខ្លាំងថែមទៀត។ យើងគ្មានអ្វីត្រូវចាញ់ក្នុងប្រកួតនេះទេ។ ខ្ញុំបានប្រាប់ទៅកីឡាកររបស់ខ្ញុំមុនការប្រកួតថា សូមរីករាយជាមួយការប្រកួតមួយនេះចុះ”។ សម្ដីរបស់លោក Dalic ។
ចំពោះ Rakitic ដែលជាមិត្តរួមក្រុមនៅក្លឹប Barcelona ជាមួយ Lionel Messi ដែរនោះ ក៏និយាយចំពោះការប៉ះអាហ្សង់ទីនយប់នេះដែរ៖ “Messi ជាកីឡាករល្អបំផុតលើលោក ប៉ុន្តែខ្ញុំគ្មានអ្វីត្រូវលាក់ជាមួយមិត្តរួមក្រុមនៅជម្រើសជាតិក្រូអាតនោះទេ។ តែវាពិបាកក្នុងការប្រាប់រឿងសម្ងាត់របស់ Messi ដល់គ្រូបង្វឹករបស់ខ្ញុំ។ យើងរស់នៅក្នុងសម័យកាល Youtube ហើយវាមានគ្រប់យ៉ាង សុទ្ធតែបានបង្ហាញឱ្យយើងស្គាល់ច្បាស់ពីគាត់។ វាស្ទើរតែគ្មានផ្លូវក្នុងការបិទ Messi ទៅហើយ”៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
