បែកធ្លាយ អាជ្ញាកណ្ដាលកាត់ក្ដីព័រទុយហ្គាល់ និងម៉ារ៉ុកសុំអាវ Ronaldo
- 2018-06-21 03:15:13
- ចំនួនមតិ 0 | ចំនួនចែករំលែក 0
បែកធ្លាយ អាជ្ញាកណ្ដាលកាត់ក្ដីព័រទុយហ្គាល់ និងម៉ារ៉ុកសុំអាវ Ronaldo
ចន្លោះមិនឃើញ
ព័រទុយហ្គាល់បានយកឈ្នះ ម៉ារ៉ុកយ៉ាងតានតឹងបំផុតក្នុងការប្រកួត World Cup ពូលB កាលពីយប់មិញដោយឈ្នះត្រឹម១ទល់នឹង០ ប៉ុណ្ណោះហើយ១គ្រាប់នោះទៀតសោតតែតចូលដោយ Cristiano Ronaldo តាំងពីដើមតង់នាទី ទី៤។
ទោះជាការប្រកួតចប់ហើយក្ដី តែការកើតទុក្ខមិនសុខចិត្តមិនបានបញ្ចប់នោះទេ ដោយកីឡាករ Nordin Amrabat របស់ម៉ារ៉ុកបានរិះគន់សកម្មភាពមួយចំនួនរបស់អាជ្ញាកណ្ដាលដូចជាការទៅសុំអាវ Ronaldo ជាដើម។
ខ្សែបម្រើរបស់ Watford និយាយថាលោក Mark Geiger បានទៅសុំអាវ Ronaldo នៅវគ្គទីមួយដែលជាទង្វើមិនគួរកើតទាល់តែសោះ។ "ខ្ញុំមិនដឹងថាអាជ្ញាកណ្ដាលធ្លាប់ធ្វើបែបនេះពីមុនមកឬអត់ទេ តែខ្ញុំឭពី Pepe ថា លោកបានទៅសុំអាវ Ronaldo។ ទីនេះគឺ World Cup មិនមែនកន្លែងលេងសៀកឡើយ"។
គួរបញ្ជាក់ថាលោក Mark Geiger គឺជាអាជ្ញាកណ្ដាលដែលរើសមកពីក្របខ័ណ្ឌ MLS របស់សហរដ្ឋអាមេរិក។ ជុំវិញបញ្ហាខាងលើនេះ អាជ្ញាកណ្ដាលវ័យ៤៣ឆ្នាំមិនទាន់មានប្រតិកម្មថាពិត ឬក៏អត់ទេ៕