Fortnite ឈរលេខ ២ ជាហ្គេមរកបាន ១០០ លានដុល្លារលឿនបំផុតនៅលើ App Store

2018-06-21 11:27:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាភាពជោគជ័យយ៉ាងធំធេងនៃហ្គេម Fortnite របស់ក្រុមហ៊ុន Epic Games ដែលអាចរកចំណូលបាន ១០០ លានដុល្លារ ត្រឹមរយៈពេល ៩០ ថ្ងៃដំបូង ក្រោយបើកឲ្យទាញយកនៅលើ App Store របស់ Apple។

ឈរលំដាប់ទី ២ ជា App ដែលបំបែកកំណត់ត្រាចំណូល ១០០ លានដុល្លារលឿនជាងគេបង្អស់ បន្ទាប់ពីហ្គេម Clash Royale ដែលប្រើពេលលឿនជាងនេះបន្តិចត្រឹម ៥១ ថ្ងៃ។ នេះផ្អែកតាមរបាយការណ៍ពីក្រុមហ៊ុន Sensor Tower បានចុះផ្សាយ។

ថ្លែងក្នុងរបាយការណ៍មួយ៖ "Clash Royale ឈរនៅចំណាត់ថ្នាក់ទី ១ រកចំណូល ១០០ លានដុល្លារលើ iOS ប្រើពេល ៥១ ថ្ងៃ ធៀបនឹង Fornite ប្រើពេលជិត ៣ ខែ លឿនជាង Knives Out និង Honor of Kings ប្រើពេល ១៧៣ និង ១៧៩ ថ្ងៃ"។

បញ្ជាក់ថា Fortnite កំពុងប្រជែងខ្លាំងបំផុតជាមួយហ្គេម PlayerUnknown's Battlegrounds ឬ PUBG Mobile នៃសំណាក់ក្រុមហ៊ុន Tencent ខណៈហ្គេមបាញ់ប្រហារកំពុងពេញនិយមនៅអាស៊ីមួយនេះ ត្រឹមរយៈពេល ៦០ ថ្ងៃ រកបានតែជាង ៥,២ លានដុល្លារប៉ុណ្ណោះតាមរយៈការផ្ទាំងផ្សព្វផ្សាយពាណិជ្ជកម្ម។