ម៉ូតូថ្មីបកពីកេស ៤ ម៉ូដែល ជឿទេ មួយគ្រឿងតម្លៃមិនដល់ ១ ០០០ ដុល្លារផង

2018-06-21 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងអស់គ្នាបានដឹងពីម៉ូតូដាក់លក់នៅទីផ្សារក្នុងស្រុក ប៉ុន្តែតម្លៃរបស់វារាងខ្ពស់ៗគួរសម យ៉ាងហោចណាស់ក៏ចាប់ពី ១ ៤០០ ដុល្លារឡើងដែរ។ ថ្ងៃនេះ Sabay នឹងណែនាំម៉ូតូថ្មី ៤ ម៉ូឌែលដែលមានបំពាក់បច្ចេកវិទ្យាមួយកំប្លេ ចំណែកតម្លៃក្រោម ១ ០០០ ដុល្លារទេ។

#១) Keway CS110cc

CS 110 ស៊េរីឆ្នាំ ២០១៧ ជាប្រភេទម៉ូតូប្រើចង្កឹះលេខ កម្លាំងម៉ាស៊ីន ១១០ សេសេ មានប្រព័ន្ធបេនសាំង ភ្លើងចង្កៀងមុខក្រោយភ្លឺច្បាស់ ស៊ីញ៉ូមុខឆ្វេងស្ដាំ ប្រើអំពូល LED ឯតួរបស់វារឺងមាំ ទម្ងន់ស្រាលត្រឹមតែ ៩៨ គីឡូក្រាម ម៉ូតូស្ទុះបានល្អ បត់បែនរហ័សទាន់ចិត្ត ងាយស្រួលបើកបរគ្រប់ស្ថានភាពផ្លូវ។ ម៉ូតូមានបំពាក់មកជាមួយហ្វ្រាំងមុខជាប្រភេទថាសហ្វ្រាំងបូម ទំហំ ២២០ ម.ម អាចបញ្ឍប់ម៉ូតូបានរហ័ស។

CS 110 មានកម្លាំងម៉ាស៊ីន110 សេសេ ប្រព័ន្ធសាំងប្រើ បេនសាំង ប្រព័ន្ធហ្រ្វាំងមុខ៖ ថាស ប្រព័ន្ធហ្រ្វាំងក្រោយ៖ ស្បែក ទម្ងន់៖ ៩៨ គីឡូក្រាម កម្រិតស៊ីសាំង៖ ៤៣ គីឡូម៉ែត្រ/លីត្រ ប្រវែងម៉ូតូសរុប៖ ១ ៨៨០ ម.ម ប្រវែងទទឹងម៉ូតូ៖ ៧០០ ម.ម កម្ពស់ម៉ូតូ៖ ១ ១០០ ម.ម. ប្រវែងកម្ពស់ពីដី៖ ១៨០ ម.ម។ ចំណែកគ្រឿងបន្លាស់វិញត្រូវនឹងគ្រឿងបន្លាស់ម៉ូតូម៉ាកផ្សេងៗទៀត ហើយអាចរកទិញបានយ៉ាងងាយស្រួលលើទីផ្សារក្នុងស្រុក។ តម្លៃប្រមាណជា ៧៥០ ដុល្លារ។

#២) Keway SIP 110cc

SIP ជាប្រភេទម៉ូតូ Scooter ប្រើប៊េនមានកម្លាំងម៉ាស៊ីន 125 សេសេ។ កម្រិតស៊ីសាំង ១០០ គីឡូស៊ីប្រហែលពីរលីត្រ។ តម្លៃប្រមាណជា ៩៧០ ដុល្លារ។

#៣) Target 110cc

Target 110cc ក៏មិនខុសពី CS 110 ជាប្រភេទម៉ូតូប្រើចង្កឹះលេខមានកម្លាំងម៉ាស៊ីន110 សេសេ ប្រព័ន្ធសាំងប្រើ បេនសាំង ប្រព័ន្ធហ្រ្វាំងមុខ៖ ថាស ប្រព័ន្ធហ្រ្វាំងក្រោយ៖ ស្បែក។ តម្លៃលក់ក្នុងស្រុកប្រមាណជា ៧៥០ ដុល្លារ។

#៤) TVS Neo XR

NEO XR មានកំលាំងម៉ាស៊ីនខ្លាំងទំហំ 110 cc ។ បំពាក់ដោយប្រព័ន្ធ iEcono Technology គ្រប់គ្រងសមត្ថភាពប្រេងសាំង និងប្រព័ន្ធចំហេះបានយ៉ាងល្អ។ ចង្កៀងមុខទំនើបជាមួយអំពូល Cool Body Lamp Halogen ពិសេសគឺបានភ្ជាប់មកជាមួយ iCharge ដែលអាចសាកថ្មទូរស័ព្ទបាន។ ម៉ូតូរបស់ក្រុមហ៊ុនឥណ្ឌា TVS Cambidiaនេះមានតែមរចនាបែបអេឡេហ្គង់ មានច្រើនពណ៍ដូចជា ខ្មៅ លាយក្រហម និងលឿងជាដើម។ តម្លៃដាក់លក់លើទីផ្សារប្រមាណជា ៩៩០ ដុល្លារ។

#យ៉ាងម៉េចដែរប្រិយមិត្តមានចាប់អារម្មណ៍ម៉ាកណា? កុំភ្លេចចែករំលែកមិត្តភក្តិបានផង!*

អានអត្ថបទបន្ត៖

អត្ថបទ៖ រក្សា