កីឡាករ Liverpoolម្នាក់ ពេលនេះកំពុងនៅអ៊ីតាលីពិនិត្យសុខភាពត្រៀមចូលរួម Juventus
- 2018-06-21 11:15:08
- ចំនួនមតិ 0 | ចំនួនចែករំលែក 0
កីឡាករ Liverpoolម្នាក់ ពេលនេះកំពុងនៅអ៊ីតាលីពិនិត្យសុខភាពត្រៀមចូលរួម Juventus
ចន្លោះមិនឃើញ
ខ្សែបម្រើ Emre Can ក្នុងពេលនេះ កំពុងស្ថិតនៅប្រទេសអ៊ីតាលី ត្រៀមចូលរួមជាមួយ ក្លឹប Juventus។
Can ត្រូវបានគណនី Twitter ផ្លូវការក្លឹប Juventus ក្នុងថ្ងៃនេះ បញ្ជាក់ថា កំពុងស្ថិតនៅក្នុងទីក្រុង Turin ប្រទេសអ៊ីតាលី ហើយកំពុងពិនិត្យសុខភាពដើម្បីត្រៀមចូលរួមជាផ្លូវការជាមួយក្លឹប Juventus។
កីឡាករត្រូវបានសារព័ត៌មានជាច្រើនចុះផ្សាយថា នឹងចុះកុងត្រារយៈពេល ៤ ឆ្នាំជាមួយក្លឹបយក្សអ៊ីតាលី។
ការផ្ទេរ នឹងមិនធ្វើឲ្យ Juventus ចំណាយមួយកាក់មួយសេនឡើយឲ្យ Liverpool ដោយកុងត្រារវាងខ្សែបម្រើ និងក្លឹបអង់គ្លេស នឹងផុតកំណត់នៅចុងខែមិថុនានេះ។
សូមបញ្ជាក់ផងដែរ Can បានចូលរួមជាមួយ Liverpool ពីក្លឹបអាល្លឺម៉ង់ Bayer Leverkusen កាលពីឆ្នាំ ២០១៤ ។ រយៈពេល ៤ ឆ្នាំលេងនៅហង្សក្រហម កីឡាករបានបង្ហាញខ្លួនសរុប ១៦៧ លើក និងស៊ុត ចូលចំនួន ១៤ គ្រាប់៕
Welcome to Turin, Emre!