ពិតទេ Lukaku នឹងបានប្រាក់ Bonus ពី Man Utd បើក្លាយជា Top Scorer ប្រចាំ World Cup លើកនេះ?
- 2018-06-21 12:02:52
- ចំនួនមតិ 0 | ចំនួនចែករំលែក 0
ពិតទេ Lukaku នឹងបានប្រាក់ Bonus ពី Man Utd បើក្លាយជា Top Scorer ប្រចាំ World Cup លើកនេះ?
ចន្លោះមិនឃើញ
បើតាមការចុះផ្សាយរបស់ The Sun ខ្សែប្រយុទ្ធ Romelu Lukaku នឹងទទួលបានប្រាក់លើកទឹកចិត្តបន្ថែមពីក្លឹប Manchester United បើក្លាយជា Top Scorer ប្រចាំ World Cup ២០១៨ នេះ។
ក្នុងថ្ងៃនេះ ប្រភពមិនបញ្ចេញឈ្មោះពី Old Trafford បានប្រាប់ The Sun ថា ខ្សែប្រយុទ្ធ Romelu Lukaku នឹងទទួលបានប្រាក់លើកទឹកចិត្តរហូតដល់ខ្ទង់សែនផោន ពី Manchester United បើសិនជាកីឡាករបែលហ្សិកក្លាយជាកីឡាករស៊ុតច្រើនជាងគេបំផុតប្រចាំ World Cup ២០១៨។
ប្រភពមិនបានបញ្ជាក់ថា មូលហេតុអ្វីដែលនាំឲ្យក្លឹបសម្រេចធ្វើបែបនេះ ឡើយ ប៉ុន្តែបានអះអាងថា លក្ខខណ្ឌនេះមាននៅកុងត្រារបស់កីឡាករបែលហ្សិក។
“Rom (Lukaku) និងភ្នាក់ងាររបស់គេពូកែចរចាជាមួយ Manchester United ណាស់ រហូតដល់អាចដាក់បញ្ចូលលក្ខខណ្ឌបែបនេះចូលទៅក្នុងកុងត្រារបស់គេបាន ពេលដែលគេមកចូលរួមជាមួយក្លឹបដំបូង"។ ប្រភពខាងលើនិយាយ។
សូមបញ្ជាក់ផងដែរថា Lukaku បានមកចូលរួមជាមួយក្លឹបបិសាចក្រហមពី Everton កាលពីទីផ្សារដោះដូរកីឡាកររដូវក្ដៅ ២០១៧ ហើយស៊ុតចូល ២៧ គ្រាប់ ក្នុងការបង្ហាញខ្លួន ៥១ លើកឲ្យក្លឹបថ្មីខ្លួន។
ក្នុង World Cup នៅរុស្ស៊ី កីឡាកររកបាន ២គ្រាប់ហើយ គិតមកទល់ពេលនេះ។
បែលហ្សិកនឹងត្រូវប្រកួតជាមួយទុយណេស៊ីនៅថ្ងៃសៅរ៍ខាងមុខ វេលាម៉ោង ៧ យប់ (ម៉ោងនៅកម្ពុជា)៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
